Isabel ninakawan ng mamahaling gamit sa bahay

Mula sa pahayagang Aksyon

SHOWBITZ & PIECES

VINIA VIVAR

KALUNGKOT naman ang nangyari kay Isabel Oli na pumunta lang ng Boracay, pagbalik niya ay nawala na at ninakaw ang kanyang mga gamit sa bahay.

        Lumipad patungong Boracay si Isabel noong April 14 kasama ang anak ni Becky Aguila na si Katrina at ang make-up artist na si Gigi para sa isang sports show ng aktres sa GMA News TV.

        Sa pagpunta pa lang sa Bora ay marami nang aberyang nangyari kay Isabel.  Imagine, 3:30am pa lang ay nasa airport na sila dahil 5:30am ang flight nila via Cebu Pacific Airlines.

        Pero naiwan pa rin sila ng eroplano na umalis ng 5:10am.  Nasa CR daw sila nang time na umalis ang plane at hindi nila narinig na tinatawag na ang name nila ng ground stewardess.

        What they did ay nagbayad na lang si Katrina ng re-booking fee at inabot nang mahigit sa 12 thousand pesos.  Good thing, sinagot naman ito ng production pero siyempre, hassle pa rin.

        Ang next flight ay 11:30am kaya natulog na lang daw si Isabel sa bench ng terminal habang hinihintay ang pag-alis.

        Heto na ang siste, pagdating sa Boracay terminal, wala ang mga luggage nila at naiwan sa Manila.  Kaya naghintay na naman sila ng another hour para sa pagdating ng kanilang bagahe.

        Kaya naman doon pa lang ay bad trip na ang aktres sa Cebu Pacific.

        Pero ang pinakamalaking kalbaryo ay nang umuwi na sila ng Manila noong April 15, bandang 9:30pm.  Pagdating nga niya ng bahay ay nadiskubre niyang wala na ang mga gamit niya.

        Halos lahat ng mamahaling gamit ni Isabel ay nawala tulad ng  2 cellphones, Rado watch ng daddy niya, tatlong expensive watches ng aktres, cash ng sister-in law niya at pati ang mamahaling camera na iniregalo sa kanya ng ex-boyfriend na si Gab Valenciano.

        Ang suspect sa pagnanakaw ay ang yaya ni Isabel na nagngangalang Lorna Balila na naiwan sa bahay nang time na naganap ang nakawan.

            Sinundo raw ang aktres sa airport ng kanyang pamilya at ang naiwan sa bahay ay ang daddy niya na comatose, ang nurse at ito ngang yaya.

        Ayon sa nurse ay nakita pa raw niya na may itinapong plastic bag sa basurahan ang yaya at akala naman daw niya ay basura. Hinihinalang ang laman ng plastic bag ay ang mga gamit ni Isabel na nawala.

        Iyak nang iyak si Isabel sa nangyari dahil hindi biro ang mga gamit na nawala lalo na ang mga mamahalin niyang relo.

Ang yayang ito ay dati rin daw yaya ni Angel Locsin. Diumano ay ninakawan din nito si Angel kaya pinalayas ng aktres.

        Hindi alam ni Isabel ang history na ito ng kanyang yaya at hindi rin alam ng manager niyang si Becky Aguila na dating manager ni Angel na ito ang kinuhang yaya ni Isabel.  Otherwise ay na-warningan daw sana niya ito.

        Missing in action na raw ang yaya kaya sila naghinala na ito nga ang kumuha.

        Wala pang plano si Isabel kung ano ang balak niyang gawin pero marami ang nagpapayo sa kanya na ipaaresto ang yaya para maimbestigahan at makwestiyon ng pulisya.

* * *

 NGAYONG nag-hit ang pelikula niyang “Moron 5 and the Crying Lady,” marami ang nagtatanong kay John “Sweet” Lapus kung kukumpetensyahin na ba niya si Vice Ganda at natatawa na lang ang komedyante.

Aniya ay wala naman daw ganu’n dahil Vice Ganda na raw si Vice Ganda at wala naman daw siyang balak makipagkumpetensiya kahit kanino.

        Ang mas gusto niyang iparating sa madla ay ang labis niyang pasasalamat sa lahat ng sumuporta ng movie nila nina Luis Manzano, Marvin Agustin, Billy Crawford, Martin Escudero at DJ Durano.

        Natanong din si John kung nararamdaman na ba niya ang kanyang importansiya mula sa mga tao dahil sa success ng kanyang movie at say niya, noon pa naman daw ay nararamdaman naman niya ang importansiyang ibinibigay sa kanya especially ng GMA-7 kung saan siya nagtatrabaho.

        “At may mga producers naman na nagpaparamdam sa akin niyan in my past 19 years in showbiz.  But of course, sa 19 years na ‘yun, may mga konting (panahon) na mahina tayo at ‘yung mga taong nagpaparamdam niyan, siguro masyadong busy din.

        “But sa TV ngayon, ang ‘Showbiz Centra’l (hino-host niyang talk show sa GMA-7 every Sunday) in particular, makes me feel very important.  Ang Viva Films the fact na binigyan nila ako ng kontrata, and si Direk Wenn (Deramas) and si Direk Chris Martinez na hindi ko lang mga kaibigan kundi mahuhusay pa na direktor na nagpaparamdam sa akin na ako’y importante, na naniniwala sila sa akin as an artist,” say ni John.

        Tuwang-tuwa rin si John sa magagandang reviews sa pelikula at maging sa acting niya.  All these positive comments made him realized more na hindi raw mali ang pinasok niyang trabaho.