Si Ex-Gov. Mark ang natsitsismis na ‘sweety’ni Cristine

Mula sa pahayagang Aksyon

XKANDALO

ROLDAN CASTRO

HABANG sinusulat namin ito ay nasa Hannah’s Beach Resort & Convention Center kami sa Pagudpod, Ilocos Norte sa imbitasyon ng kaibigang Zonnie Espiritu na kung saan ay inauguration nito.

Ito ngayon ang pinakamalaki at class na beach resort sa naturang lugar na kung saan ay nag-stay kami sa kaitaasang bahagi ng resorts ( top of the mountain) at matatanaw ang China Sea.

Dito rin nag-stay ang nag-iisang Superstar nu’ng magpunta siya last March 17.

Sinopresa niya si Mommy Josie, isang Noranian na ina ni Col. Ricardo L. Nolasco na owner ng resort.

Sey nga ni mommy, nu’ng makita niya si Nora ay okey na, na mawala siya.  Pinagbigyan ni Col. ang kahilingan ng kanyang ina.

Eversince ay gusto niyang makita si Nora at napagbigyan naman siya.  Hitsurang ‘caregiver’ ang ginawa ng superstar.  Hindi niya iniwanan si Mommy Josie.  Pag kumakain ay pinagsilbihan niya at hindi niya iniwanan.

Sa inauguration ay dumating ang Ms-Earth Philippines winners at partial candidates sa 2012.  Nakatsikahan din namin si Ex-Governor Mark Lapid na ngayon ay General Manager ng Tourism Infrastructure and Enterprise Authority (TIEZA).

Kinuha namin ang reaction niya sa isyung siya ang ‘Sweety’  politician diumano ni Cristine Reyes na pinagseselosan ni Rayver Cruz.

“Hindi a,” madiing bungad ni Gov. Mark.

“Malay ko diyan,no?” dagdag pa niya.

“Patayin ako ng asawa ko. Ha!ha!ha! Quite life,”tugon niya.

Bakit pinayagan niyang bumalik sa showbiz ang misis niyang si Tanya Garcia?

“Paminsan-minsan lang naman para…galing din naman kami diyan,e!,” aniya pa.

Ibinalita rin ni Gov. na may plano na i-remake ang seryeng pinagbidahan noon nina Tanya at Dindong Dantes.

Ano na kaya ang magiging role ni Tanya?

Abangan!

* * *

TRENDING sa Twitter worldwide nu’ng  Sunday nang madaling araw ang “PBB Big Night”  kasama ang big winner na si Slater Young  at ang second placer na si Pamu Pamorada.

Si Slater ang kauna-unahang lalaki na big winner sa regular edition ng “Pinoy Big Brorther.”

As of presstime,trending nationwide ang ‘Riggel’ ni Iza Calzado . May nag-tweet nga ng

“Double #dumb? @MissIzaCalzado mistakenly mentioned "Luneta Grandstand" for Quirino Grandstand) &"Riggel" 4 for Biggel.  Awkward."

Agad din sumagot sa Twitter si Iza: “I'm not offended by tweets because I really made a mistake! Kinabahan ako sa Dami Ng Tao!  Haha! Quirino not Luneta, Biggel not Riggel: D,” sey niya.

Sa ganitong live, hindi naman talaga maiwasan ang magkamali gaya ng nagawa ni Iza.  At least, pinag-uusapan siya ngayon. Hahahaha.

May tweet din si Aldred Gatchalian na dating Kapamilya at produkto ng “PBB Teens.” This is hard, but I think I have to tell everyone that starting next week I will be part of GMA Artist Center and GMA Network. Thank you ABS!”

Pero ang the height ay si Rhap Salazar na ewan kung seseryosohin mo o hindi ang mga tweets. Kalorky.  Una ay nag-tweet siya ng “Goodbye Showbiz.”

Pangalawa, ”Finally had a meeting with GMA Network… Contract-signing tomorrow.. Excited for new projects with them! :')

Pero sinundan niya ito ng “Don't take it too serious friends.. It's April! #HappyAprilFoolsDay”

‘Yun na!

* * *

MALAPIT nang magbukas ang kwento ng pinakaaabangan at pinakamalaking Primetime teleserye ng ABS-CBN, ang “The Princess and I” tampok ang ‘royal cast’ na pangungunahan ng tinitingala at nirerespetong aktor at aktres na sina Albert Martinez at Gretchen Barreto; ng tatlong pinakabagong kakikiligang mga ‘Prinsipe ng Primetime’ na sina Enrique Gil, Khalil Ramos at Daniel Padilla;’ at ng pinakabagong ‘Prinsesa ng Primetime’ na si Kathryn Bernardo.

Tunghayan sa pinakabagong Filipino fairytale drama sa telebisyon ang kwento ng kaharian ng Yangdon na pinaghaharian ni King Anand (Albert).  Subalit sa likod ng marangyang buhay, mababalot ng kalungkutan ang kaharian nang mawala ang prinsesang si Mikay (Kathryn) na mamumulat sa buhay ng kahirapan.

Sa mapangahas na pagbabalilk ni Gretchen sa telebisyon pagkatapos ng kanyang di malilimutang pagganap sa teleseryeng "Magkaribal," bibigyang buhay naman niya ang karakter ni Ashi Behati, isang Yangdon royalty na nagnanais agawin ang korona ng kaharian ng Yangdon.

Samantala, tiyak na kagigiliwan, hindi lang ng mga kabataan kundi pati na rin ng buong pamilya, ang pinakabagong obra na matutunghayan sa Primetime Bida dahil sa engrandeng paghahanda ng teleserye mula sa mga bonggang costumes hanggang sa pagdayo ng cast at crew sa Kingdom of Bhutan para kunan ang mga tagpo sa kaharian ng Yangdon.

Kabilang sa ‘royal cast’ ng teleserye ang ilan sa mga naglalakihang pangalan sa industriya na sina Dominic Ochoa, Yayo Aguila, Precious Lara Quigaman, Nina Dolino at Sharmaine Suarez.

Ito ay sa ilalim ng direksyon ni Dado Lumibao.

Huwag palampasin ang pagbukas ng kwento ng pinakabagong Primetime royal teleserye ng ABS-CBN na “The Princess and I” ngayong Abril 16 (Lunes) sa Primetime Bida. .”