Vice Ganda dapat lang tawaging ‘Phenomenal Box-Office Star’

Mula sa pahayagang Aksyon

XKANDALO

ROLDAN CASTRO

BONGGA dahil nauna ang Star Awards for Movies sa pagpaparangal bilang Best Actor  kina Aga Muhlach at  Jeorge ‘ER’ Estregan.  

Si Angel Locsin naman ang best actress.  Nasundan na ito ngayon  ng PASADO Awards na pareho ang resulta.

Sa Guillermo Mendoza Memorial Scholarship Foundation  naman ay nakuha pa rin nina Aga at Angel ang  Film Actor and Actress of the Year para sa pelikulang “In The Name of Love.”

Nakakuha naman si  Laguna Governor ER Ejercito ng special award na Outstanding Government Service Award .

Pinag-uusapan naman ngayon kung bakit ibinigay kay Vice Ganda ay Phenomenal Box Office Star  at napunta kay Derek  Ramsay ang titulong Box-Office King.

Sina  Anne Curtis and Cristine Reyes naman ang Box-Office Queens.  Bakit tinagurian namang Box-Office Tandem sina Vic  Sotto and Ai Ai delas Alas?

Nakatsikahan  namin ang Airtime Producer na si Tita Tess Celestino. Ayon sa paliwanag niya, first time sa history ng pelikulang Pilipino na tumabo sa takilya at nakapagtala ng pinakamataas na box-office returns na P331.61 million ang pelikula ni Vice Ganda na “Unkabogable Praybeyt Benjamin.”

 Ito  na raw ang simula na kailangang sundan at habulin ang  pagiging Box-Office Phenomenal star ni Vice.  Deserving daw si Vice na bigyan ng better at extra ordinary title.

Naging  Box-office Tandem naman sina Vic at Ai Ai dahil first time sa MMFF na  nakapagtala ng gross na P237.88 mula December 25, 2011 hanggang sa pagtatapos ng festival noong January 7, 2012.

Bagamat umabot na ng 300 plus ang pelikula nilang “Enteng ng Ina Mo” ay hindi raw umabot sa cut-off  hanggang January 15.

Naging Box-Office king si Derek dahil  dalawang pelikula niyang ginawa last year ay nakakuha ng first two highest box-office returns -- ang “Unkabogable Praybeyt Benjamin” at “No Other Woman” na umabot ng 280 plus.

Ang leading ladies naman ni Derek sa “No Other Woman” na sina Anne Curtis at Cristine Reyes ang itinanghal na Box-Office Queens.

Congrats!

* * *

NAKAKATUWA naman dahil nakalabas na sa kulungan ang manager ni Gerald Santos na si Dr. Rommel Ramilo.  Napawalang sala siya sa kasong kidnapping at child abuse.

“Dismissed ang case Roldan.  Naiwan sa loob ‘yung mag-ina na nagdawit sa akin,” text tsika niya sa amin.

“GOD IS GOOD!!!!!!! IM BACK!!!!!! GOD IS JUST!!!!!! GOD IS IN CONTROL!!!!!!!!!!! PRAISE BE TO OUR LORD AND SAVIOR JESUS CHRIST,” mababasa naman sa kanyang Facebook Account.

May lesson na natutunan ang naturang manager sa pagkakakulong niya. "Mag-ingat nang doble sa mga taong pinagkakatiwalaan. Maglagay ng distansya sa fans.

“Mas maging maingat sa lahat ng mga transactions.  Mas pahalagahan ang mga mahal sa buhay. Mas pahalagahan kahit 'yung maliliit na bagay na binibigay sa atin ng Diyos.

“At pahalagahan ang mga kaibigang karamay mo sa pinakamadilim  na bahagi ng buhay mo.  Napakabuti ng Diyos," deklara pa niya.

Balik na sa sirkulasyon si Doc Rommel para asikasuhin ang naudlot na paggawa ng album ni Gerald at concert nito sa Music Museum.