Derek may dahilan ang pag-alis sa ABS-CBN

Mula sa pahayagang Aksyon

Xkandalo

Ni Roldan Castro

COOL lang sa Twitter si Derek Ramsay kahit hindi siya tinatantanan ng mga bashers niya sa desisyong lumipat sa TV5.

Kung anu-ano ang masasakit na salita ang pinapakawalan sa kanya. Nakaka-lorky na pang-ookray ang ginagawa sa kanya.

Sey lang niya sa mga bashers niya, “I respect what you believe but pls stop na.  I get na what you are trying to say.”

Sagot naman niya sa isa: “If that's what you think then I'll respect it.  Loyalty is more important for me.  Maybe you should know the details first.”

Anyway, nagpapasalamat din siya sa mga sumusuporta sa kanyang desisyon at hindi siya iniwanan.

“I'm deeply touched with how much all if you care and support me on my decision,” deklara niya.

“ABS is a great network.  I have my reasons for moving.  I just wish everyone would see how loyal I was. I appreciate everything ABS has done,” aniya pa.

Sa statement ng ABS-CBN  ay sinasabing malaki ang offer ng TV 5 at hindi niya matanggihan.

“It's not the amount buddy,” sagot niya sa kanyang Twitter Account.

            Balitang si Derek ang host ng TV5 para sa franchise reality show “Amazing Race Philippines.”  Isa pang malaking prospect kay Derek is the chance to cover the 2012 Olympics na sa London daw gagawin in July.

Bukod sa pag-ober da bakod ni Derek ay pinag-uusapan din ang paglalaro nila ng golf ng international at guwapong actor na si Zach Efron.

Talbog!

* * *

KINUHA ang reaksyon ni Nadine Samonte sa pagbubuntis ng kapwa niya “StarStruck” avenger na si Katrina Halili.

“Happy ako para sa kanya!  Minsan dumaan siya sa taping ng ‘Valiente,’ dumalaw siya kasi malapit ang bahay niya at kasi yung make-up artist ni Miss Jaclyn Jose friend niya, so dumalaw siya, nakita ko siya.”

Hindi raw sila masyadong nakapag-usap ni Katrina.

“Sabi ko lang congrats, iyon lang.  Kasi nung time na dumating ako, kasi kadadating ko lang galing airport, dumiretso ako dito sa taping.  

“Inaantay na nila ako kasi hindi sila makapag-take nang wala pa ako so nagmamadali ako. Pagdating ko nakita ko si Katrina, binati ko sabi ko congrats.  Sabi niya, ‘Thank you!”

Nagulat ba siya nang nalaman niyang buntis si Katrina?

“Oo, oo! Pero alam mo yung relieved na at least happy na siya. “Iyon lang.  I’m so happy for her.  At tsaka ano na siya, very blooming, ang blooming-blooming niya!

“Hindi na siya problemado, hindi na siya stressed, feeling ko sobrang blessing iyon para sa kanya,” nakangiting sinabi pa ni Nadine.

Hindi ba siya nainggit kay Katrina at gustong magkaroon na rin ng baby?

“Darating din naman tayo diyan,” tumatawa lang niyang sagot.

Samantala, ano ang comment ni Nadine sa relasyon ngayon nina Leandro Muñoz at Iwa Moto?

“Wala.”

Naging karelasyon ni Nadine si Leandro at produkto rin ng StarStruck ng GMA si Iwa tulad ni Nadine.

Nagulat ba siya?

“Hindi,” at muling tumawa si Nadine. “Hindi.  Puwede naman kahit anong mangyari, walang imposible sa panahon ngayon, e.

“So okay lang.  Kung masaya naman sila sa isa’t-isa, e.  Let it be, di ba?  Happy ako para sa kanila.”

Pareho raw wala ng komunikasyon si Nadine recently with Iwa or maging kay Leandro.

“Kasi wala naman kaming pag-uusapan, e.”

Hindi pa rin daw sila nagkikita ni Iwa mula noong lumipat ito sa TV5.

Halimbawang magkasalubong sila ni Iwa…

“Okay lang.”

Babatiin ba niya at tsitsikahin si Iwa?

“Oo naman, why not?

“Actually nung lumipat si Iwa hindi ko nga alam na lumipat siya e.  Kasi never pa kaming nagkita sa kahit na anong event.”

Si Leandro ay hindi pa rin daw sila nagkikita ulit.

“Huling kita ko sa kanya event ng… yung ball ng TV5.”

Wala na raw silang relasyon noon, pero nagbatian naman raw sila, magkaibigan pa rin daw sila ni Leandro.

“Oo naman.  Wala namang…,” bitin niya sagot.

* * *

MAY statement na ang  ABS-CBN Corporate Communications head Sir Bong Osorio sa isyung pagre-resign ng director ng “Showtime.”

“It is not true that Direk Bobet Vidanes resigned from ‘Showtime’ because of  Vice Ganda.  Both of them were recently not in the show since Direk Bobet went on a Holy Week break, while Vice Ganda fulfilled a series of engagement in the Middle East.”

Si Direk Bobet pa rin daw anag director ng naturang noontime show ng Dos.

Klaro!