Jolina ibinibenta na ang malaking bahay

Mula sa pahayagang Aksyon

RIGHT TIMING

 By: nora v. calderon

                                                        

 GUSTO na palang ibenta ni Jolina Magdangal-Escueta at ng parents niyang sina Daddy Jun at Mommy Paulette Magdangal ang malaking bahay nila sa Don Antonio Executive Village sa Tandang Sora, Quezon City.  

Ang youngest brother at pinsan, at driver at mga kasambahay na lamang nina Jolina ang nakatira sa bahay na may 7 bedrooms at may basement pa in a more than 1,000 sq. m. lot. 

Ibebenta nila ang buong bahay at ang furnishings nito sa P 47 million.  Ito ang nalaman namin sa parents ni Jolina nang mag-dinner kami sa kanilang restaurant cum gift shop cum beauty saloon and spa sa Magallanes Road in Tagaytay City, ang Memory Lane.  

Sa bahay nila sa Tagaytay na ilang meters lamang ang layo sa Memory Lane na rin kasi nakatira sina Daddy Jun at Mommy Paulette na siyang personal na nag-aasikaso sa kanilang business. 

 Sa likod ng resto, may isa pang function room na pwedeng mag-seminar o mag-party ang may 50 persons.

            Hindi naman mapapahiya ang mag-asawa sa mga customers nila dahil bukod sa malamig ang weather, maganda ang ambiance ng lugar na kung nasa labas ka, parang isang western house ang resto. 

Masasarap din ang lahat ng pagkaing isini-serve roon, na ang specialty nila ay sariling recipe ni Mommy Paulette na siyang personal na namimili ng mga lulutuin nilang healthy food from meat to vegetables. 

Kaya naman hindi kataka-taka na habang kumakain kami sa pinaka-veranda ng resto, sunud-sunod ang dumarating na mga customers, pami-pamilya pa. 

Ganoon daw sila halos araw-araw, maliban kung Tuesday na day-off ng kanilang mga employees at time to clean naman ang resto.  Inaabot daw sila hanggang past midnight, dahil hindi naman sila nagsi-serve ng breakfast.

            Si Jolina naman ay doon nakatira sa bahay ng husband niyang si Mark Escueta.  Nagbabalak silang magpatayo ng sariling bahay at ini-offer nina Daddy Jun ang vacant lot na more than 400 sq.m. sa tabi ng bahay nila sa Don Antonio. 

Wish lamang ng mag-asawa ay magkaroon na sila ng apo pero hanggang ngayon ay wala pang sign ng pagbubuntis si Jolina. 

Talent si Jolina ng PPL Entertainment ni Perry Lansigan at co-managed din siya ng Viva Artist Agency. 

Oo nga pala, kung mahilig kayo sa mga old songs, the place to go is Memory Lane.

                                                * * *

NAG-EMOTE ang mga fans nina Dingdong Dantes at Marian Rivera sa Malaysia na sana’y magkasamang maka-attend ng promo ng “Endless Love,” ang remake ng Koreanovela of the same title, na pinagtambalan ng dalawa noong 2010. 

Kasalukuyang ipinalalabas ang “Endless Love” sa Malaysia at nagti-trending ito tuwing ipinalalabas doon. 

Masaya ang mga fans nina Dingdong at Marian dahil napapanood nila sa original na Tagalog language at may sub-title lamang na Malay kaya naririnig din nila ang mga boses ng mga artistang gumaganap.

Nag-sorry na si Marian sa mga fans nila nina Dingdong sa Malaysia dahil hindi nga siya kasamang aalis sa April 27. 

Ayon naman kay Dingdong, mas mabuti nang siya lamang ang makapunta kaysa wala isa man sa kanila ni Marian ang makarating doon. 

One day, pwede pa rin silang pumunta ni Marian doon kapag pareho na silang libre sa taping ng “My Beloved.”

Nagkataon lamang kasing simula na ng taping ni Marian ng dramedy niyang “Sweets for My Tweets” dahil may pilot airing na ito sa May 5.  Kaya si Perry Lansigan ang kasamang pupunta ni Dingdong sa Malaysia.

Meanwhile, papasok na ba sa second part ang “My Beloved?”  Nabaril si Sharina (Marian) at nakaligtas sana siya kung hindi pinakialaman ni Emmie (Katrina Halili) ang respiratory machine. 

Ayaw pumayag si Benjie (Dingdong) na muli silang magkakahiwalay ni Sharina, magpapakamatay siya.  Sasamahan niya si Sharina hanggang sa impiyerno, huwag lamang silang magkahiwalay. 

Muling magiging Sundo si Benjie at makikiusap siya sa kanilang pinuno (Jestoni Alarcon) na patawarin na sila ni Sharina at ibalik sila sa lupa.

Pumayag kaya ang pinuno ng mga Sundo?  Paano kung bumalik man sila sa lupa ay iba na ang kanilang katauhan? 

Ang pag-ibig ba nila sa isa’t isa ang maglalapit pa rin sa kanila pagdating ng araw?

                                                                    * * *

 ANG pumayat ang birthday wish ni Asia’s Songbird Regine Velasquez-Alcasid nang mag-celebrate siya ng kanyang birthday kahapon sa “Party Pilipinas.”  At ang greatest gift daw niyang natanggap ay ang anak nila ni Ogie na si Nate. 

Inilabas ni Ogie si Nate habang kumakanta si Regine at sabi nga ni Jaya, magiging singer din daw ang 4-month old baby boy ng mag-asawa dahil hindi man lamang ito umiyak at hindi natakot sa dami ng tao at mga ilaw sa loob ng studio. 

 Hindi pa nangako si Regine na babalik na siya regularly sa show pero very supportive naman siya kung kailangan siya.