Andi inisnab ni Albie

Mula sa pahayagang Aksyon

Xkandalo

Ni Roldan Castro

 NABALITAAN namin na nakialam na ang National Press Club sa pamumuno ni Jerry Yap sa gulo ng isang movie writer na si Chito Alcid at ang isang kontrobesyal na talent manager.

Kinatigan ang naturang writer dahil sa pangha-harrass diumano sa kanya at pagmumura sa kanya sa text.

Abangan na lang natin ang official statement ng NPC

* * *

SEKSING-SEKSI at parang hindi nanganak si Andi Eigenmann.  Ready na siyang magbalik showbiz.

She revealed na sasabay na ulit siya sa paggawa ng teleserye kung saan ay makakapareha niya si Jake Cuenca.  Kasama rin niya sina Gabby Concepcion at Iza Calzado.

Ang anak niyang si Ellie raw ang kanyang inspirasyon at lahat ng ginagawa raw niya ngayon ay para sa baby girl.

Natanong kay Andi kung willing ba siyang patawarin ang ama ng kanyang anak at aniya, wala naman daw nagso-sorry sa kanya.

“Eh wala naman kasing nagso-sorry sa akin, sinong papatawarin ko?  If they want to meet her and be part of her life, then I’m all for it.

“Siguro pag nag-sorry siya, papatawarin ko siya kasi para sa akin, ’yung sa aming dalawa, I left that all in the past.  I’ve moved on,” deklara ni Andi.

Ini-reveal din niyang nagkasalubong na raw sila ulit ni Albie Casino pero mukhang hindi raw siya kilala ng dating boyfriend.

 * * *

NAGSAMA sa unang pagkaka­taon sina Sarah Geronimo at Gerald Anderson sa isang music video dahil sila ang kumanta ng summer station ID theme song ng ABS-CBN na “Pinoy Summer, Da Best Forever.”

Sa awitin nina Sarah at Gerald ipapakita, kasama ang pinakamalaki at pinakamaningning na Kapamilya personalities, ang tunay na kulay ng Pinoy summer at ipapamalas ang mga dahilan kung bakit ang Pilipinas ang pinakamagandang puntahan tuwing summer para sa mga turista at kababayan.

“Isasalarawan sa summer station ID kung paano ipinagmamalaki ng mga Pinoy ang kanilang pinagmulan at mga pagpapahalaga sa pamamagitan ng mga idinadaos na festivals sa bawat lugar.

“Ilan sa mga isasalamin dito ang pagtutulungan, pagkakaisa, respeto, at pagmamahal sa sarili.  Dagdagan pa yan ng kulay at saya ng mga Pinoy na lalo pang magpapainit sa summer at mas magbibigay buhay sa selebrasyon,” sey ni ABS-CBN Creative Communications head Robert Labayen.

Katulad na lang ng festival dancers na magbibigay ng libreng sakay sa cast ng ‘Banana Split’ na sina Angelica Panganiban, Zan­joe Marudo, John Prats, Melai Cantiveros, Pooh, at Jason Gainza.

Mag-uunahan naman sa pagkain ng mangga sa Guimaras ang “It’s Showtime” hosts na sina Anne Curtis, Vice Ganda, Vhong Navarro, Karylle, Billy Crawford, Kuya Kim, Ryan Bang, Colleen, Jugs, at Teddy.

Mas makulay rin ang parada dahil sa makulay at namumulaklak na kasuotan ni Ai Ai delas Alas sa isang floral float.

Mapangahas naman na mag-cliff diving si Piolo Pascual para hanapin ang kagamitan ng kaibigang aksidenteng nahulog sa asul at malinis nating karagatan.

Ipapakita ni Bea Alonzo kasama ang matatabang majorettes ang tunay na kahulugan ng sexy habang tutulong naman ang ABS-CBN News anchors na sina Noli de Castro, Korina Sanchez, at Ted Failon sa prusisyon. 

Ang theme song ay isinulat ni Christine Darla-Estabillo at musikang likha nina Marcus at Amber Davis.

Ang 2012 Summer Station ID ay likha ng ABS-CBN Creative Communications Management (CCM) kasama sina corporate marketing head Cookie Bartolome at Zita Aragon.

Pinamamahalaan ang produksyon nito nina Johnny delos Santos, Patrick de Leron, Ira Zabat, Edsel Misenas, Kathrina Sanchez, Danie Sedilla-Cruz at Dang Fortaleza-Baldonado.

Kabilang naman sa Creative at Production team sina Sheryl Ramos, Love Rose De Leon, Christine Joy Laxamana, Pamela Joy Mercado, Mark Bravo, Christian Faustino, Christine Darla-Estabillo at Shally Tablada.

Ito ay sa ilalim ng direksyon ni Paolo Ramos kasama ang 2nd unit directors na sina Johnny Delos Santos at Peewee Gonzales.

Kasama rin sa team sina Jaime Porca, Technical production head; Rommel Andreo Sales, Director of Photography; Oliver Paler, Alfie Landayan at Meryl Miranda, Post Production Team; Lorenz Roi Morales, Editor; Darwin Duenas, Production Coordinator; Sam Esquillon, Production Designer; Marchie Mallari, Artist Coordinator; Mary Ann Rejano, Talent Caster; Marvin Bragas, Location Manager at Marileth Abejero, Photographer.