Luis natupad ang birthday wish

Mula sa pahayagang Aksyon

WHAT’S THE POINT?

Pilar Mateo   

NATUPAD ang birthday wish ni Luis (Manzano), na ang dalawang babaeng espesyal sa puso niya ang siyang maging panauhin niya in celebration of his 31^st birthday sa “Kapamilya Deal or No Deal”.

            Kaya naman sa kabila ng pagiging hectic ng schedule ng kanyang butihing inang Star for All Seasons at Gobernadora ng Batangas, naglaan ng panahon si Vilma Santos-Recto para maglaro sa nasabing game show.

            At dahil hindi naman Kapamilya si Jennylyn Mercado, wala naman palang nagig problema sa Kapuso star ang pagsalang o pagge-guest niya sa nasabing programa.

            Naipaliwanag naman daw ng mga kinauukulan ang nasabing paanyaya kaya napayagan naman si Jen na sumalang sa nasabing palabas.

            Namayani nga ang pagbibigayan kung kaya may time na si Luis naman ang sasalang sa isang programa ng GMA-7 para maging panauhin din siya.

            Though magkahiwalay na naglaro ang Gobernadora at si Jennylyn, at maski na hindi nila na-hit ang jackpot sa pagpili nila sa mga numbers na binubuksan ng mga nagseseksihang dilag, happy pa rin ang dalawa na naibigay nila kay Luis ang isang wish nito for his birthday.

 Sabi naman ng mga nakasaksi sa nasabing taping, mukhang at home na at home na si Luis sa pagtitiwalang ipinagkaloob sa binata para siya na ngang mag-host ng dating programang unang itinoka sa Queen of All Media na si Kris Aquino.

            Hindi lang daw nagpapakampante ang binata.  Dahil with each taping day, marami pa rin naman daw siyang kinakailangang matutunan.  Dahil bawat episode nga naman eh, ibang pakikisalamuha, lalo na sa mga taong siyang tumatayo roon para mag-try ng kanilang luck.

            Dahil na rin sa pagiging amiable ni Luis, hindi lang sa mga sumasali kundi pati na sa audience na nanonood sa kanya, hindi maialis na usisain ito kung susundan din ba niya ang yapak ng inang maging isang public servant pagdating ng tamang panahon.

            Ang sabi nito sa mga nakaharap, if and when he does that, eh, mag-aaral muna raw siya at paglalaanan niya talaga ng panahon ang mga gagawin niya.

            Hindi naman daw niya itatago ito kung sakali ngang pumasok sa isip niya na gustuhin niya rin ang maglingkod na gaya ng ina.

            Samantala, hindi naman pala spared si Luis sa mga offers ng ibang network to be their talent.  Pero wala pa naman daw talagang solid na offer maliban sa isa.

Bitin ang paliwanag ni Luis doon.  At next year pa naman daw magtatapos ang kontrata niya with ABS-CBN.

* * *

AS FAR as Albert Martinez is concerned, dahil na rin daw sa kaabalahan niya sa trabaho, lalo pa nga at abala na sila sa “The Princess and I”, hindi nga raw siya aware sa alitan ng kanyang biyenang si Amalia Fuentes at Anabelle Rama.

            Kaya nga, sa mga nakausap pa nitong press sa press conference para sa bago niyang soap sa ABS-CBN nag-usisa si Albert sa puno’t dulo ng pagbebenggahan ng dalawa, una sa burol ng dating asawa ni Amalia na si Joey Stevens hanggang sa mga komento nga nila sa Twitter.

            With so many things occupying his mind now, lalo na nga sa kanyang misis na si Liezl, hindi na nga siguro kailangan pang isipin ni Albert ang mga problemang gaya ng nangyayari ngayon sa kanyang biyenan.

Ang kay Albert, maliit na industriya nga lang ang iniikutan natin.  Kaya, ang wish na lang niya, magkasundo ang mga may hindi pagkakaunawaan!

            As far as his wife’s health is concerned, they are taking it nga raw one day at a time.  Ang mahalaga, mapasaya nila ang isa’t isa sa kanilang araw-araw na buhay.

 Sa pakikipagtrabaho naman ni Albert sa mga bago pa lang maituturing sa industriya na sina Kathryn Bernardo at Enrique Gil, para nga raw niyang mga anak ito na inalagaan niya talaga nung mag-stay sila nang may dalawang lingo sa Bhutan para sa “The Princess and I.”