Komedyante nambulabog sa Internet Cafe

Mula sa pahayagang Aksyon

WHAT’S THE POINT?

Pilar Mateo   

NABULABOG sa kaingayan ng isang sing-along bar host at comedian na nakilala sa YouTube ang Heng-Un Internet Café sa Morato.

Sa sobrang ingay ng dalawa, nalaman na namin ang life story nila.

Si Boobita na isang sing-along master sa Punchline.  At si Bekimon na isa palang consistent scholar nung nag-aaral siya.

Nakakairita lang kasi ‘yung volume ng pagsagot nila sa interview sa kanila online.  Na ang feeling mo tuloy eh, talagang ipinaririnig sa lahat ng nandun sa loob ng internet shop na may umi-interview sa kanila.

Nasa ikatlong cubicle na silang dalawa -- super lakas pa rin ng mga boses nila.  Eh, ‘di nila alam na mga writers ang nakukulili ang tenga sa kaingayan nila sa loob ng nasabing internet shop.

Nalaman na namin kahit hindi nila aminin na the interview was for “The Amazing Race: Philippines.” Kahit naman hindi nila aminin sa amin, alam naming ‘yun ang interview sa kanila dahil buong buhay nila ang inaalam.

Highly confidential dapat ang usapang ‘yun.

Dahil nagtaray na si Dinno Erece sa kaingayan nila, nag-sorry naman ang dalawa after.  Kaya lang, wala naman sila kasi sa sing-along o sa harap ng camera para ang volume ng mga bibig nila eh, marinig sa apat na sulok ng Heng-Un.

Ayan tuloy! May naging item pa ako dahil sa kaingayan ng dalawang beki.  Opo, bading si Bekimon pero si Bobita eh, babaeng-babae.

Naku, ang dami kong nalaman sa buhay niya tuloy at para lang akong nakikinig sa isang nagkukuwento para sa “MMK” (Maalaala Mo Kaya).

Next time, kung ang mga bagay na ganito should be done in secrecy, huwag magpaka-excited na ipinatawag kayo for the interview for “The Amazing Race: Philippines”. 

Interbyu pa lang, mga ‘teh!

Humiwalay nga kayo ng cubicle eh, umaabot naman sa amin ang kaingayan niyo!

* * *

NAGBIGAY ng Thanksgiving Party niya for the press ang PAO (Public Attorney’s Office) Chief na si Atty. Persida Rueda Acosta sa roof deck ng PAO office.

Isinabay na rin dito ang paglagda ng MOA (Memorandum of Agreement) with the PMPC (Phillippine Movie Press Club) para sa legal assistance sa entertainment writers ng naturang tanggapan.

Sa susunod na buwan naman eh, ang ENPRESS (Entertainment Press Society), Inc. ang lalagda sa nasabing MOA.

Sa nasabing okasyon, ipinakita na rin sa members ng press ni Atty. Persida ang bagong forensic laboratory sa kanyang tanggapan. 

* * *

CONSISTENT ang Queen of All Media na si Kris Aquino na sa trabaho lang at mga anak talaga mag-focus.

Panay na nga ang pagharap nito sa karakter na ginagampanan niya sa proyekto nila nina Anne Curtis at Robin Padilla sa “Kailangan Ko’y Ikaw”.

Pagdating naman kasi sa time management, mukhang na-master na ito ni Kris. Kaya nga every now and then, she gets to spend time with her two boys maski pa sa abroad.

Nang mag-birthday nga ang kanyang ‘little man’ na si Bimby, masayang-masaya si Kris sa party na inihandog niya kay bagets na dinaluhan naman ng Daddy James nito.

Kung libre na mula sa pagba-back-pack niya for her “KristTV” sa iba’t ibang lalawigan si Kris, taping naman siya for “KKI” and every now and then, segue sa ilang Asian countries kung saan naman kinukunan ang kanyang mga TVCs.

It may really take a while bago tayo may mabalitaang usapang puso with her.