Nora gusto nang tanghaling National Artist

Mula sa pahayagang Aksyon

WHAT’S THE POINT?

Ni Pilar Mateo  

 WALA naman sigurong hahadlang pa sa proposal ng Bacolod Representative na si Anthony Golez, Jr. na tanghalin nang National Artist ang nag-iisang Superstar na si Nora Aunor, bilang maituturing na ring isang ‘national treasure.’

Ang mga nakamit na nga raw nitong karangalan sa industriya ng pelikulang Pilipino ay more than enough para maging kwalipikado sa prestihiyosong titulo.

Sa kanyang explanatory note sa kanyang House Resolution 2317, inilahad ni Rep. Golez na, “The Filipino people are now entangled in so many public issues like the seemingly uncontrollable rise of prices of fuel and commodities but we should not lose hope.

There are a lot of things going for our country and the enshrinement of Ms. Aunor as a National Artist is a sure feel-good thing that the Filipinos can hold on to.”

Bukod sa marami nang nakamit na karangalan ng Superstar, dagdag pa ng butihing Representative na naging inspirasyon na rin daw ang brown girl na tindera ng tubog sa riles ng Iriga sa buong bansa.

Anu-ano ba ang inaasahan para tanghaling isang National Artist?  Ang mga kuwalipikasyon daw eh, ang sumusunod na guidelines:

Una, Filipino artists who have made significant contributions to the cultural heritage of the country; 2^nd. Filipino artistic accomplishment at its highest level and to promote creative expression as significant to the development of a national cultural identity; and 3^rd, Filipino artists who have dedicated their lives to their works to forge new paths and directions for future generations of Filipino artists.

At ito ay ipinagkakaloob ng Pangulo ng bansa at ini-screen naman at inirerekomenda ng NCCA (National Commission for Culture and the Arts) at ng CCP (Cultural Center of the Philippines).

 * * *

SA KABILA ng pagiging abala niya bilang ‘ina’ ng Batangas, nakakapagbakasyon pa rin naman pala ang Star for All Seasons na si Vilma Santos kasama ang kanyang pamilya.

At noong Semana Santa nga, with husband Sen. Ralph Recto and son Ryan Christian Philippe, sa Singapore sila nag-unwind and re-charge.

Hindi nakasama si Luis dahil alam naman natin kung gaano ito ka-busy sa trabaho niya.

At para makabawi rin kay Luis, walang isang salitang napa-oo agad ang Star for All Seasons nang anyayahan siya sa taping para sa 31^st birthday ni Luis ng hino-host nitong “Kapamilya Deal or No Deal.”

 Dahil ‘yun lang din pala ang hiling ng binata -- na makasama sa kanyang programa ang dalawang babaeng mahalaga sa buhay niya sa ngayon -- ang kanyang ina, at ang kanyang girlfriend na si Jennylyn Mercado.

Hindi man malaki ang naiuwi ni Ate Vi sa mga pinili niyang boxes para sa kanyang favorite charity, napasaya naman nito ang anak at ang audience na nasorpresa rin syempre sa kanyang pagdating doon para makipaglaro kay Luis at Banker.

Isinama pa ni Ate Vi ang anak na si Ryan para makapanood din.

Malaking bagay nga para kay Luis ang pagdating ng kanyang ina.  At mas lalo pa itong na-touch nang may iabot na sulat ang gobernadora sa kanyang anak, na mula naman sa ama nitong si Edu Manzano. At hindi nila parehong napigil ang maging emosyonal. 

Ang pagiging proud ni Edu sa mga na-achieve ng anak ang isa sa nilaman ng nasabing sulat.

Nang matapos ang taping ni Ate Vi, kung saan unang sumalang si Jennylyn, pinansin ng mga inanyayahang press doon ang pag-i-stay ng dalaga para panoorin ang paglalaro ng Gobernadora.

Touched ang Ate Vi.  Dahil ni-request naman daw niya kay Jen na mag-stay pa ito.

Kung may gustung-gusto ang Star for All Seasons sa pwede niyang maging future manugang, ‘yun daw eh, ang pagiging maalalahanin nito.

At kapag nagbe-bake ng cupcakes eh, tinatawagan siya para dalhan ng mga ginawa niya. Idagdag pa ang pagiging malambing ng dalaga. At inamin naman ni Ate Vi na naging comfortable na siya kay Jen dahil masarap daw itong kasama.

At kapag ganitong nagsasabi na ang Gobernadorang kampante na siya para sa relasyon nito at ni Luis, ano pa ba ang dapat na pangambahan sa kanilang mga paplanuhin pa sa buhay.

“Hindi ako nagme-meddle sa kanila,” Ate Vi was quoted as saying.

Ang balita rin, kung ang Superstar eh, gagawa ng independent movie with Brillante ‘Dante’ Mendoza, na nagsimula na, ang “The Womb” at kasalukuyan nang ginagawa sa Tawi-Tawi sa ARMM (Autonomous Region in Muslim Mindanao), gagawa rin daw ng independent movie ang Star for All Seasons.

In fact, nagpadala na sa kanya ng script si Adolf Borinaga Alix!

According to the Star for All Seasons, interesting daw ‘yung synopsis. At kung aabutin lang naman daw ng 10 days ang shoot nito eh, malamang na magawa niya after ng proyekto niya with Direk Chito Rono.

Right timing and right script lang daw ang kailangan.

May nakita na ako sa ilang sa mga scripts na ‘yun ni Direk Adolf.  Pawang mga bongga ang mga synopsis. At may babagay na istorya talaga para sa Star for All Seasons -- kakaiba sa mga nagawa na nito!

‘Di ba, Direk Adolf?