Kris buong-buong pinaninindigan ang baby nila ni Katrina

Mula sa pahayagang aksyon

SHOWBITZ & PIECES

VINIA VIVAR

KINUMPIRMA ni Kris Lawrence sa kanyang panayam sa “The Buzz” last Sunday na na-shock siya nang ipagtapat sa kanya ni Katrina Halili noong Pebrero na dinadala nito ang kanilang magiging first baby.

“First honestly, I was shocked.  I didn’t know what to think at first, I was like “uh-oh” kasi syempre, hindi planado.  But then I stepped out of the picture and last year, parang everytime I see babies, gusto ko na and you know, we’re pretty much of age na,” say ni Kris.

Pinaka-importanteng nilinaw ng singer ay ang tsismis na pinagdududahan niya na siya ang ama ng bata.  Aniya ay hindi raw ito totoo.

“No, I never doubted that (na anak niya ang dinadala ni Katrina),” say niya.

 Mariin din niyang itinanggi ang tsismis na gusto raw niya at ng kanyang magulang na ipa-DNA test ang baby once na lumabas ito.

“That is super not true.  Out of something so positive which is the baby, they can still find negative things to say about me which super are not true.  Kaya nga sabi okay, I’ll speak.  What’s important is between me and Karina and me and Katrina’s family.

Contrary to the rumors, ayon kay Kris ay masayang-masaya raw ang kanyang mga magulang sa balitang magkakaapo na sila.

“My mom started crying,” say niya.  “She started crying out of happiness and she said, “Kat, I love you, welcome to the family, alagaan mo ang sarili mo, Kris will take care of you.”

Pero ang tungkol naman daw sa kasal, pareho raw nilang napagdesisyunan na kailangang maramdaman muna nila ito.

            “We will feel it. It’s one of those feelings na mararamdaman mo talaga pag ready na kayo.  Just because of the child doesn’t mean you should get married .”

Needless to say, buong-buong paninindigan ni Kris ang magiging baby nila ni Katrina. He revealed na nag-open na raw siya ng account for the baby at nagtabi na raw ng pera para sa panganganak ng girlfriend.

“Sa amin ni Kat, dire-diretso lang kami, let’s be happy, let’s raise this kid and let’s give him the best future that we can give him,” say pa ni Kris.

            Kahit daw buntis na si Katrina ay napaka-sexy pa rin daw nito sa kanyang paningin at araw-araw daw niyang sinasabi sa girlfriend na “you’re the most beautiful pregnant mom.”

* * *

MALAPIT nang koronahan ang pinakabagong ‘Prinsesa ng Primetime’ na si Kathryn Bernardo sa pagsisimula napakaaking teleseryeng “The Princess and I” sa Abril 16 (Lunes).

Matapos makilala si Kathryn bilang si 'Mara' sa hit drama remake na “Mara Clara,” mamahalin naman siya ngayon bilang si “Princess Mikay,” ang nawawalang prinsesa ng kaharian ng Yangdon na lumaki sa Pilipinas.

Tatlong 'prinsipe' ang makakapareha ni Kathryn sa nasabing royal teleserye -- sina Enrique Gil, Khalil Ramos, at Daniel Padilla.

Kabilang din sa ‘royal cast’ ng teleserye ang ilan sa pinakamalalaking pangalan sa industriya ng showbiz na sina Albert Martinez, Gretchen Barreto, Dominic Ochoa, Yayo Aguila, Precious Lara Quigaman, Nina Dolino at Sharmaine Suarez.

Ang “Princess and I” ay sa ilalim ng direksyon ni Dado Lumibao.