Xian acting na lang ang kulang

Mula sa pahayagang Aksyon

Chizbiz

Ni Erlinda Rapadas

FLATTERED si Xian Lim na nakahilera na rin siya nina Sarah Geronimo, Gerad Anderson at Vice Ganda bilang endorser ng GLOBE.

Bale pangwalong endorsement na ito ni Xian Lim at kahit sinasabi ng iba na nakikisakay lang siya sa kasikatan ni Kim Chiu ay never na na-offend ang palangiting aktor.

Enjoy siyang katrabaho si  Kim at gusto pa rin ng fans ang kanilang loveteam on screen okey sa kanya.

Nagpapasalamat din si Xian na hindi siya nakakaranas ng batikos sa mga bashers sa twitter.  

Ang pinupuna lang ng iba ay ang kanyang pag-arte.  Dapat daw ay pagbutihin pa rin Xian ang kanyang acting.  

Sa ngayon may 700 thousand followers sa twitter si Xian.  At may mga posers rin daw siya na ginagamit ang kanyang pangalan at sumasagot sa mga tweets ng fans.

Ang ikinagugulat ni Xian, may mga babaeng lumalapit sa kanya, para lang ipaalam na ipinangalan nila kay Xian ang kanilang anak! Kakalokah!

Well, open naman si Xian na malaki ang naitulong sa kanya ng pagtatambal nila ni Kim Chiu sa "My Binondo Girl." Biglang-bigla ay lumaki ang kanyang pangalan at lumevel na sa pagiging top endorser.

Bale ba ay siya ang sinasabing kapalit sa naiwang puwesto ni Sam Milby sa ABS-CBN. Si Xian Lim ay celebrity endorser ng Globe Super Facebook (SFB-10) na ang come on ay 10 pesos lang sa maghapon na paggamit ng Facebook.

Akmang-akma ito kay Xian na aktibong-aktibo sa Facebook kahit super busy raw siya. Nagagawa pa rin niya ang i-update ang kanyang FB account lalung-lalo na ngayon na napaka-hectic ng kanyang schedule.

* * *

KAHIT madalang nang lumabas sa pelikula at telebisyon, malakas pa rin daw ang karisma sa tao ni Romnick Sarmenta.  Mismong ang mga taga-District 2 ng Kyusi ang nagsasabi na kapag umiikot si Romnick sa distrito ay pinagkakaguluhan siya ng marami.

May mga political leaders na rin daw ang kumukumbinsi sa mister ni Harlene Bautista upang tumakbong konsehal sa second district.  Dito rin nanalo si Alfred Vargas bilang konsehal.

Pero, hindi pa kasama sa agenda ni Romnick ang pagpalaot sa political arena.  Ang kanyang negosyo na pagbebenta ng imported na bisekleta ang kanyang pinagkakaabalahan sa ngayon.

And besides, ayaw niyang may masabi sa kanya ang partidos ni Harlene Bautista.  Alam niyang may utos/pakiusap si Mayor Herbert Bautista na huwag munang papasok sa politika ang kanyag mga kapatid na sina Harlene at Hero habang nakapuwesto siyang mayor ng Kyusi.

At bale bahagi na rin siya ng Pamilyang Bautista dahil kay Harlene.  

Kung mismong si Mayor Herbert Bautista ang magbibigay ng go signal at pahintulot, saka pa niya dedesisyunan kung kakandidato siya sa darating na eleksyon.

Si Hero Bautista noon pa ay todo iwas na sa pulitika.  Si Harlene Bautista naman ang Alay Kay Inay Foundation ang pinagkakaabalahan.

Balitang gusto ring subukan ni Harlene Bautista ang pagpo-produce ng digtal at indie films lalo na't suportado siya ng mga kaibigan sa showbiz tulad nina Eugene Domingo, John Lapus at Direk Dante Garcia!

* * *

TWO months extended ang teleseryeng “Legacy” dahil sa mataas na ratings at magandang feedback ng viewers.  Kaya extended din ng dalawang buwan ang kontrata ni Geoff  Eigenmann.

            Inihahanda na ng kanyang manager na si Perry Lansigan ang muling pagpirma ni Geoff  sa Siyete at 100% na hindi siya mag-o-ober da bakod sa ibang network at hindi niya iiwan ang GMA-7.

Ayon na rin kay Geoff, masaya siya sa pag-aalaga sa kanya ng Kapuso network.  Walang dahilan para isipin pa niya ang umalis dito.  Afterall, ayaw rin niyang magkahiwalay sila ng kanyang lady love na si Carla Abellana na kapipirma lang din ng bagong contract sa GMA-7.

Bukod kay Lovi Poe na love interest niya sa “Legacy,” gusto ring makatrabaho ni Geoff sina Rhian Ramos at Jennylyn Mercado.