Rocco speechless nang manalo ng award

WHAT’S THE POINT?

Ni Pilar Mateo 

TUWANG-TUWA kami sa lupon ng mga tagahanga ng aktor na si Rocco Nacino nang idaos ang aming “9^th Golden Screen Awards” sa Teatrino.

Maaga pa lang kasi eh, dumating na ang mga ito at nag-request naman talaga sila ng invitations para makapanood at makitang muli ang kanilang idolo. 

Behaved ang mga Roccofellas.

Kaya, tuwang-tuwa rin ang kanilang idolong si Rocco nang ito ang tanghaling “Breakthrough Performance by an Actor” (para sa papel niya sa “Sayaw ng 

Dalawang Kaliwang Paa”) that night.

“Hindi ko po alam ang sasabihin ko.  Speechless.  Hindi pa rin nagsi-sink in na ako na ‘yung nanalo.  I feel very blessed.  I feel very humbled.  Doble-dobleng saya po dahil pangalawa na ito.

“‘Yung una parang birthday gift sa akin.  Ito naman birthday gift din sa brother ko.  Ang buong pamilya ko nandito.  Pati ang mga tagahanga ko.  Kaya, lalo lang po akong motivated ngayon na lalo pang paghusayan ang mga susunod na assignments na ibibigay sa akin.  Na lalo ko pang gagalingan.

“Nung tinawag ang pangalan ko, hindi ko maintindihan ‘yung pakiramdam.  Ang tagal bago mag-sink in kaya ninerbiyos din ako sa speech ko.  Na, hindi naman pala ako nananaginip. Totoo na pala ito.

“Sa pagkakaroon ng ganitong recognition, alam ko na mas may hamon para sa akin ang mga susunod kong gagawin.  Pero, hindi naman ibig sabihin nu’n na porke nagawaran na ako ng mga pagkilala eh, magiging choosy naman akong masyado sa mga susunod kong projects.

“Ang importante po, that I stay grounded.  At hindi ko ito ilagay sa ulo ko.  I just want to give back sa mga taong nagbigay ng tiwala nila sa akin.  Na hindi sila mapahiya sa akin.”

Nakita namin kung bakit blessed si Rocco sa buhay nito ngayon.  Bukod sa suporta ng isang solidong pamilya at mga kaibigan -- pursigido ang aktor na maabot ang pangarap niya.  At kung hindi man siya ang itinanghal na winner noon sa sinalihan niyang reality search -‘di ba, sabi nga, ibibigay sa ‘yo ni Lord ang biyayang para sa iyo talaga.

Congratulations again, at abangan na natin ang naiiba na rin niyang magiging pagganap sa katauhan ng bida sa epic poem ng Ilokanong si Pedro Bukaneg.

* * *

NABASA ko lang sa @itsmemarielt ang mga sumusunod na tweets ni Mariel (Rodriguez-Padilla) noong Lunes ng gabi.

“Kaloka! the babe called asking for help...there is this lady who claims to be his wife. she has pictures of their "wedding" and of their kids.

“Poor babe doesn't know what to do... He is a true gentleman so he doesn't know how to tell the lady "uhm..u are not my wife"

“Mariel to the rescue.”

Napagpaliwanagan naman kaya niyang mabuti ang nasabing babae sa pagdamay niya sa kanyang mister?

* * *

 SI LINO Cayetano naman ang magdidirihe ng tampok na episode ng “MMK” (Maalaala Mo Kaya) sa Sabado, March 31 sa ABS-CBN.

Mula sa sinaliksik na istorya ni Akeem Jordan del Rosario at script ni Arah Jell Badayos, itatampok nito si John Manalo kasama sina Francis Magundayao, Emilio Garcia, Daisy Reyes, Nikka Valencia, Kyle Balili, Raye Baquirin, Hanna Flores, Jerome Ventinilla at Alijah Magundayao tungkol sa istorya ng magkaibigang ang tanging pangarap eh, ang maka-sakay sila ng barko at maglayag sa iba’t ibang panig ng mundo.

Natupad na makasakay sila ng barko pero ang mga hamong kinaharap nila roon ang sumubok sa katatagan nila sa buhay.

Itinapon sila sa dagat ng mga kasamahan nila at kinailangan nilang harapin ang naka-ambang kamatayan sa mukha nila.