Aga kakandidato sa Camarines Sur?

Mula sa pahayagang Aksyon

 

Right Timing

By: nora v. calderon

SA KATATAPOS na “9^th Golden Screen Awards” ng Entertainment Press Society, Inc. (EnPress), hindi na nakaligtas si Aga Muhlach, after winning the Best Performance of An Actor in Drama, for his movie “In The Name of Love” ng Star Cinema, sa makukulit na tanong ng mga entertainment press tungkol sa ilang araw nang issue na naghiwalay na sila ng manager niyang si Ms. Ethel Ramos. 

Pero nabigo ang mga nagtatanong sa kanya dahil wala silang nakuhang negative or affirmative answer.  Biro nga niya sa amin, iisa raw ang tanong sa kanya ng mga press at wala raw naman siyang pwedeng isagot. 

Sa huli, ang isinagot na lamang niya: “Kung ano man ang nangyayari sa amin ngayon ni Tita Ethel, sa amin na lamang iyon dahil wala naman dapat pag-usapan.  Kita ninyo na siya ang kasama ko ngayon, with my wife Charlene.”

            Kahit si Ethel, nang makausap namin noong launch ni Angel Locsin as the endorser of Mosbeau for the second year, ayaw din niyang magsalita sa mga entertainment press na gustong interbyuhin siya.  Wala raw naman siyang dapat sagutin.

            Sa tanong kung totoong kakandidato siya sa Camarines Sur, natawa si Aga dahil maaga pa raw naman para mag-isip noon. 

Kahit ang wife niyang si Charlene ay iyon din ang sagot sa amin nang biruin namin kung payag ba siyang manirahan na sa CamSur kung sakaling matuloy kumandidato si Aga. 

Wala pa raw sinasabi sa kanya si Aga at maaga pa masyado para pag-isipan iyon.  Sa ngayon, pareho pa silang busy ni Aga sa kani-kanilang work, si Aga sa “Pinoy Explorer” sa TV5 at siya isa sa mga hosts ng “The Buzz” sa ABS-CBN.  

                                                            * * *

MUKHANG hindi mabibigo si Direk Wenn Deramas na mapatawa ang mga manonood ng pinakabago niyang dinirek na movie sa Viva Films, ang “Moron 5 and A Crying Lady.”

Sa presscon cum launch ng movie na ipinakita ang full trailer, ang pinakamahirap yatang patawanin na entertainment press ay bumunghalit ng tawa sa mga eksenang ipinakikita ang mga kalokohan nina Luis Manzano, Marvin Agustin, Billy Crawford, DJ Durano at Martin Escudero sa movie. 

Ayon kay Direk Wenn, experiment lamang niya na gumawa ng series of gags na may story at thankful siya na tinanggap ito ng Viva Films. 

Mapapanood na ito simula sa April 7, a Black Saturday, na pwede na raw tumawa ang mga tao.

            After ng ilang araw na lumabas ang balita na nag-back-out ang Star Cinema sa pagsosyo sa “Moron 5 and A Crying Lady, minabuti ni Direk Wenn na mismong ang Viva Films na ang sumagot sa issue. 

Sa pamamagitan ni Vincent del Rosario, anak ni Boss Vic del Rosario, inamin nitong tulad sa ibang businesses, nagkaroon sila ng pag-uusap, ng evaluation tungkol sa project pero hindi ito nagkaroon ng resolution, wala silang pinagkasunduan. 

Pero no bad blood between Viva and Star Cinema dahil nagsimula na ring mag-shooting sina Sarah Geronimo at John Lloyd Cruz ng third movie nila na parehong co-production venture ng Viva at Star Cinema. 

Nangyari na rin daw ito sa pinaka-highest-grossing movie for 2011, ang “Praybeyt Benjamin” na medyo nagkaroon sila ng hindi pagkakasundo ng Star Cinema. 

After nga raw nilang kumita sa movie, napatunayan nilang kaya ng grupo ang ginagawa nila.  Maganda ang sinabi ni Vincent kay Direk Wenn: “Ang Viva kasi, nakataya kay Direk Wenn, kung saan man niya kami dalhin, doon kami.”

            Balitang si John Lapus na ang co-producer ng “Moron 5 and A Crying Lady” na tuwang-tuwa na for the first time sa ilang projects na rin niyang nagawa, first time niyang gaganap na hindi bading kundi isang tunay na babae. 

Thankful din si Sweet sa pagmamahal sa kanya ng Viva, na kahit sa kanila siya naka-contract, pinapayagan pa rin siyang gumawa ng movie sa ibang production like sa Regal Films at sa GMA Films.

                                                            * * *

NAGSIMULA na kagabi ang new timeslots ng mga primetime shows ng GMA-7.  Pagkatapos ng “24 Oras,” ang “Biritera” na susundan ng “Legacy,” then ang “My Beloved” at ang sinusubaybayang Pinoy adaptation ng Koreanovelang “DongYi.”

Maraming nagtatanong kung bakit pa raw binago ang timeslot ng “My Beloved.”  Pero naniniwala kami na dahil sa trailer ng intimate love scenes nina Benjie (Dingdong Dantes) at Sharina (Marian Rivera) sa “My Beloved,” kailangang sa medyo late timeslot na ito ilagay.

Masyadong mahigpit ngayon ang MTRCB kaya kailangan nilang iakyat na sa mas mataas na oras ang “My Beloved.” 

Abangan na lamang natin kung what day this week ipalalabas ang love scene/bed scene nina Benjie at Sharina na kinunan ang kabuuan sa Ulian Beach Resort in San Antonio, Zambales last Thursday and Friday. 

Nag-reminisce nga sila sa same location na ginamit nila five years ago sa first TV team-up nila, ang “Marimar.” 

Doon din sila unang nagkakilala at nagkalapit ng loob dahil halos ang buong Pinoy remake ng “Marimar” ay doon kinunan ang mga eksena.