Juday magkokontrabida sa pelikula

Mula sa pahayagang Aksyon

XKANDALO

ROLDAN CASTRO

SEKSI na naman ang young Superstar na si Judy Ann Santos na humarap sa presscon ng bagong ini-endorse nila ni Yohan na Eden Cheese.  Nasa ideal weight na siya na 113 lbs.  at puwede na ulit buntisin.

Okey lang naman sa kanya kung mabuntis siya ulit dahil dream niya na magkaroon ng tatlong anak.

Ano ang sikreto niya sa kaseksihan niya ngayon?

“Happy life,” tugon niya kasama roon ang di­siplina sa sarili at commitment na pumayat.

Sey ni Juday, kumakain pa rin siya ng junk food o fast food kapag gusto niya, pero may kapalit ‘yon na exercise.

“It should always come from your heart, it should always come from yourself, ’di ba?”
Ang diet program ni Juday, every morning ay fresh juice and veggies ang kanyang iniinom at kinakain and then yogurt, cereals.  Pero hindi naman daw niya dine-deprive ang sarili niya sa pagkain na gusto niya.

“Kinakain ko ang gusto kong kainin pero at the same time, may kapalit ’yun na exercise kinabukasan, like takbu-takbo or kakargahin ko si Lucho nang dalawang oras, akyat-panaog ako sa hagdan.

“May ways kung paano ka mag-exercise nang hindi ka gagastos.  Sa Internet lang ang daming workout videos na puwedeng i-download, libre pa.”

May pagka-kontrabida si Judy Ann Santos sa pelikulang “Mga Mumunting Lihim.” Kakaibang role ang mapapanood sa kanya dito.

  Siya raw kasi ang magiging susi at magbubunyag ng mga lihim ng tatlo niyang kaibigan sa palikula na ginampanan naman nina Janice de Belen, Iza Calzado at Agot Isidro.

Sey pa ni Juday, masaya siyang magkakaroon na siya ng kauna-unahang entry sa Cinemalaya ngayong taon.

Talbog!

* * *

SUNUD-SUNOD na awards ang hinakot kamakailan ng isa sa mga bida ng "Walang Hanggan" na si Coco Martin.  Kinilala siya bilang ‘Natatanging Aktor ng Dekada’ ng Gawad Tanglaw Awards at 'Best Actor’ naman ng KBP Golden Dove Awards, PMPC Star Awards for TV, USTV 2012 Awards, at Northwest Samar State University Students' Choice Awards for Radio and Television para sa kanyang mahusay na pagganap sa de-kalibreng teleseryeng “Minsan Lang Kita Iibigin.”

Bukod sa tagumpay ni Coco sa iba't ibang award-giving bodies, panalo rin ang patuloy na pagrereyna sa nationwide TV ratings ng "Walang Hanggan."

Sa pinakahuling datos ng Kantar Media, nananatili itong no. 1 sa listahan ng top overall TV programs sa bansa, kung saan humataw ito sa 37.5% national TV rating.

Samantala, patuloy na umiinit ang mga tagpo sa kuwento ng “Walang Hanggan” matapos dugtungan ni Daniel (Coco) ang buhay ni Katerina (Julia Montes) dahil sa pagbibigay nito ng dugo sa dalaga.

Hudyat na ba ito ng muli nilang pagbabalikan? Anong gagawin ni Nathan (Paulo Avelino) sa sandaling malantad na si Daniel ang blood donor ng kanyang asawa?

Huwag palampasin ang mga rebelasyong gigimbal sa buhay ng mga karakter sa “Walang Hanggan” gabi-gabi, pagkatapos ng “E-Boy” sa Primetime Bida ng ABS-CBN.