Aga at Jean panalo sa ‘9th Golden Screen Awards’

Mula sa pahayagang Aksyon

WHAT’S THE POINT?

Pilar Mateo   

GOD is good! All the time!

Sa kabila ng mga kontrobersyang ikinulapol sa ENPRESS (Entertainment Press Society), Inc. sa pagdating ng “9^th Golden Screen Awards,” muli na namang naging matagumpay ang aming taunang pagbibigay ng parangal sa mga alagad ng ating sining.

Ang anumang organisasyon eh, parang isang pamilya.  Hindi naman lahat magkakasundo. Pero kapag may ipinaglalaban, sama-sama sa hirap at ginhawa ang lahat, gaya sa pagkaaktaong ito to stand by our decisions.

Kahit na katakut-takot na intriga pa ang iharang sa aming daraanan, in the end, the truth will always prevail.

Personally, I love the rain.  Kung sa iba, nagpapa-dampen ng spirit nila ‘yun, sa akin eh, hindi.

Noong Sabado pa lang ng hapon, umulan na. And I took that as a blessings.  I never curse the rain -‘yung normal na pumapatak. Iba naman kasi ang bagyo ‘di ba?

 Sa akin, it was an auspicious sign.  Kahit negahin ng iba ‘yun, sa akin, hindi.  Kahit isipin nilang ah, walang a-attend sa awards nila kasi umuulan, magiging matrapik, tatamarin ang mga tao.

Pero, naging very successful ang aming “9^th Golden Screen Awards.” Dahil halos lahat ng mga nominado ay nagsidalo.  

At sa kauna-unahang pagkakataon, iniharap kami ng aming pangulong si Jun Nardo sa lahat ng mga alagad ng sining, fans and guests na naroroon sa teatrino -- para muli, patunayang ang amin pa ring mga kredibilidad ang nanaig sa mga mapipiling ‘the best’ sa gabi’ng ‘yon.

Proud na kami sa aming mga nominasyon, at lalo pa kaming proud sa aming naging choices.

Gusto kong maiyak noong nasa entablado kami sa maraming bagay. Una, ikinalat na ang hindi pagdalo ng Lino brocka Lifetime Achievement Awardee na Superstar na si Nora Aunor.  Pero naroroon ito. Kasama ang kanyang Noranians.

Sumuporta rin ang mga tagahanga ng nanalong Breakthrough Performance by an Actor na si Rocco Nacino, ang kanyang Roccofellas.

Hindi makakalimutan ang gabing ‘yun dahil sa pagdalo ng iniintrigang nominado sa Best Performance by an Actor in a Leading Role-Drama na si Dingdong Dantes na naging presentor pa. Ang karangalan ay napunta kay Aga Muhlach.

Ang daming magagandang pangyayari that night.  Ang pagho-host ni John (Lapus) -- na kahit nag-iisa eh, nadala ang kabuuan ng awards night sa kanyang angking talinong ma-entertain din ang mga tao. Sa kanyang sari-saring gowns na ginawa ni Bing Cristobal.

At ang pagsorpresa niya at pagpapatotoo sa sinabi niya kay Aga na magba-bra at panty siya doon.

All done in good taste -- kaya nga tuwang-tuwa ang mga nakasama namin nang gabing ‘yun sa aming awards night.

Hindi namin maiisa-isang ilahad ang mga salita ng mga nagwagi ng gabing ‘yun. Ng pasasalamat.  Ng pagpapatuloy sa pag-aangat sa industriyang kinabibilangan naming lahat.

 At hindi mawawaglit sa puso ang kasiyahan ng mga itinanghal na ‘best’ ng gabing ‘yun sina Jean Garcia at Aga (drama); Eugene Domingo at Edgar Allan Guzman at Martin Escudero (musical or comedy); “Nino” (motion picture-drama); “Ang Babae sa Septic Tank” (motion picture-musical or comedy); Marlon Rivera (director-“Ang Babae sa Septic Tank”); Shamaine Centenera-Buencamino for “Nino” (supporting role); Art Acuna for “Nino” (supporting role); Jerry Gracio (best adapted screenplay mula sa nobela ni Eros Atalia-“Ligo Na U, Lapit na Me”); Chris Martinez (best original screenplay-“Ang Babae sa Septic Tank”); Kristoffer Brugada for “Patikul” (best story); Carlo Mendoza for “Manila Kingpin: The Asiong Salonga Story” (best cinematography); Ike Veneracion for “Ang Babae sa Septic Tank” (best editing); Fritz Silorio, Mona Soriano, and Ronaldo Cadapan for “Manila Kingpin: The Asiong Salonga Story” (best production design); “Sa Muling Pagtatagpo” mula sa “Ligo na U, Lapit na Me” (best original song); Vincent de Jesus for “Ang Babae sa Septic Tank” (best musical score); Albert Michael Idioma for “the Road” (best sound); Jerome Marco and Alexis Leobrera for “Pintakasi” (best visual effects); Angeli Nicole Sanoy for “Patikul” (breakthrough performance by an actress) and Rocco Nacino for “Ang Sayaw ng Dalawang Kaliwang Paa” (breakthrough performance by an actor).

Wala man kaming TV coverage, maayos at tuluy-tuloy ang flow ng nasabing espesyal naming event -- kumpleto pa with a trophy girl in the person of Ms. Lara Hirshenson, ang reigning Miss Philippines Fiesta USA 2011.

Ang mga sinasaluduhan naming mga aktor na gaya nina Allan Paule at Gabby Eigenmann ay nagpaunlak para maging presenters kasama ang baguhan at nakikilala na rin sa kakayanan niya sa pagganap na si Arjo Atayde ng “E-Boy.”

Wala mang producer, sa pamamagitan ng pagbibigay din niya ng kanyang endless support sa ENPRESS at Golden Screen, naging class ang gabi ng aming panrangal dahil sa pagsasaayos nito ni Noel Ferrer.

Ang mga nag-perform, gaya ng Down to Mars, si Frencheska Farr, Bryan Termulo, Lovely Embuscado at Krizza Neri ng “Protégé” ang lalong nagbigay-saya sa nasabing event. At sa isang special number para haranahin ang Superstar ni Edgar Allan.

Maikli man ang kumot ng aming ‘pamilya’ sa puntong ito, natutunan namin ang mamaluktot at ma-achieve pa rin na ipagpatuloy ang sinimulan nang goal ng ENPRESS Golden Screen para na rin sa aming kasamang nawala na, si Archie de Calma -- who was the one who held us all up together to become the jurors that we are now, continuing to safeguard the integrity of the Golden Screen Awards.

Isang pangako’ng aming patuloy na tinutupad -- alang-alang sa aming kredibilidad.

At ang aming taos-pusong pasasalamat sa aming mga sponsors mula sa tanggapan ni Quezon City Mayor Herbert Bautista, Ineng’s Restaurant, RedJuice at PCSO (Philippine Charity Sweepstakes Office) at sa marami pa naming kapamilya, kapuso at kapatid sa industriya.

God bless us all!