Mula sa pahayagang Aksyon
RIGHT
TIMING
By: nora
v. calderon
LAST Sunday ay
napanood na muli si Regine Velasquez-Alcasid sa “Party Pilipinas” dahil
nag-promote sila ng husband na si Ogie Alcasid para sa Valentine concert
nila tonight, ang “Mr. & Mrs. A” sa Smart Araneta Coliseum with special
guests Dingdong Dantes, Erik Santos, Kyla, Angeline Quinto, Vice Ganda
and some surprise guests.
Tumuloy din sila sa “Showbiz
Central” at sila ang sumailalim sa “Don’t Lie To Me” segment na si Jennylyn
Mercado ang pansamantalang pumalit kay John Lapus na nasa Japan,
kasama ng best friend na si Kris Aquino.
Natanong ni Jen si Regine kung tuluyan na siyang babalik sa “Party P” na
tamang-tamang nagbigay sila ng tribute sa yumaong Pop Singer na si Whitney
Houston at swak na swak kay Regine na maraming Whitney Houston songs ang
kinakanta nito.
Ang sagot ni Regine, kahit daw
gusto na rin niyang bumalik sa show dahil na-miss niya ang pagkanta sa more
than one year na pagbubuntis, ang pagsisilang niya sa anak nilang si Baby Nathaniel
James or Nate, priority pa rin niya ang pag-aalaga sa kanilang
anak.
Kailangan din daw niyang magbawas
muna ng timbang na hindi niya magawa dahil nagbi-breast feed pa siya kay
Nate.
Ayaw din niyang bumalik na hindi
pa siya in shape at makaranas lamang ng panlalait ng mga tao.
Tanggap daw naman niyang kalakaran iyon sa showbiz, kaya mas mabuting unahin na
muna niya ang pag-aalaga sa kanilang three-month-old baby.
* * *
NANG una
naming mapanood na nagpi-perform sa “Party Pilipinas”ang sing-and-dance group
na Down To Mars, akala namin ay mga Korean singers sila. Pero
hindi pala, mga Pinoy sila na may foreign blood at matatas magsalita ng
Tagalog.
Si Daisuke ay
Filipino-Japanese, sina Kenji, Yheen, Jang at Sky ay
Filipino-Chinese at sina Kiro at Jeongwon (na siya lamang
ipinanganak sa Korea pero dito lumaki) ay parehong Filipino-Korean.
Mga common friends nila ang naging
dahilan kaya nabuo ang grupo na tinawag na Down to Mars (The Elite Power of
Seven).
Last February 10, one year na sila
sa showbiz at contract star na ng GMA Artist Center.
Ang maganda sa grupo, sama-sama sila sa isang condo unit provided ng parents ni
Kenji, libre ang pagtira nila roon at nagkakaroon sila ng time na ihanda ang
kanilang mga kailangan bago sila mag-show, tulad ng mga kakantahin nila at
wardrobe na isusuot.
Free day nila ang Monday na umuuwi
sila sa kani-kanilang family. In fairness, isa ang grupo nila na
tinitilian sa “Party Pilipinas.”
Bukod sa “Party Pilipinas,” group
into three sila araw-araw napapanood sa “Kusina Master” ni Chef Boy Logro
sa GMA-7 bilang mga “Kusina Warriors” na tagatikim ng nilutong pagkain ni Chef
Boy.
Nagkaroon na rin sila ng major
concert sa Butuan City na hindi nila akalain na napakarami na nilang fans doon.
Bukas, may post-Valentine concert ang La Diva na si Jonalyn Viray sa
Metro Bar in Quezon City. Ang Down To Mars ang ka-back-to-back ni Jonalyn
sa concert titled “One Love.”
They
are looking forward sa pagpunta nila sa Seoul, Korea sa April 2 para sa
kanilang MTV shoot doon na siyempre ay masaya sina Jeongwon at Kiro na makababalik
sila doon.
Sinamantala
nilang Holy Week at wala silang work kaya one week raw sila doon.
Tamang-tama na pagbalik nila aasikasuhin nila ang anniversary concert nila sa
Music Museum sa May.
* * *
LAST Friday, nag-appear na si Bea
Binene bilang ang teenager nang si Alice
sa “Alice Bungisngis and Her Magic Walis.”
At 16, lalabas na ang special
power ni Alice at sa kabila ng kanyang kabutihan ay lagi naman siyang inaapi ng
mga kasama niya sa ampunan.
Nagugulat siya na kapag may inisip
at sinabi siya, nagkakatotoo. At lahat naman ng nangyayari, sa kanya
ibinibintang at natatakot siyang paniwalaan ang ibinibintang sa kanya.
Noon naman nararamdaman ng
manggagaway na si Esmeralda (Jean
Garcia) na lumalakas na siya.
Paano kung malaman niya na ang
pamangking si Alice ang dahilan kaya
bumabalik ang lakas niya?
Abangan ang pagkikita ni Alice at
ng supladong mayamang tagapagmana na si Ace
(Jake Vargas) sa isang nakatatawang sitwasyon.
Walang komento:
Mag-post ng isang Komento