Gerald at Sarah nag-date na

Mula sa pahayagang Aksyon

RIGHT TIMING

 By: nora v. calderon

SA LAUNCH ni Gerald Anderson as the new endorser ng Mint clothing, na nagsi-celebrate na ngayon ng 10^th year in the business, hindi naiwasang itanong kay Gerald kung bakit niya iniwan ang Bench na endorser siya nito nang ilang taon na. 

Nang matapos na nga raw ang contract niya roon, nakipag-usap na sila sa Mint dahil matagal na siyang hinihintay nito. 

Nagpasalamat siya sa Bench na naging part siya ng family nito pero inisip daw niyang part na ng kanyang growth ang pag-transfer niya sa Mint. 

Nilinaw din ng may-ari ng Mint, sina Jopet at Stella Sy na hindi pinalitan ni Gerald at isa pa nilang endorser na si Xian Lim. 

Nagkabiruan pa kung sinadya raw nilang gawing endorser ang former boyfriend (Gerald) at present boyfriend (Xian) ni Kim Chiu. 

Kahit daw may balak silang kumuha ng female endorser, hindi pa rin daw iyon si Kim dahil may ini-endorse itong isa ring clothing line. 

Hindi rin naman pwede si Sarah na siyang nali-link ngayon kay Gerald dahil mayroon din itong ini-endorse na ibang clothing line.

Speaking of Sarah, inamin ni Gerald na lumabas sila ni Sarah, isang group date after nanood ng “Mr. & Mrs. A” concert nina Ogie at Regine Alcasid. 

Kasama nila ang family ni Sarah at nag-enjoy sila sa isang KTV. 

Pero wala nang nakuha pa kay Gerald dahil hindi na raw dapat pag-usapan iyon.  Mas focus daw siya sa nalalapit na pagtatapos ng teleserye nilang “Budoy” na nasa last three weeks na sila at matatapos na sa first week of March.

                                                * * *

TWELVE new shows ng TV5 for the first quarter ang sabay-sabay na ini-launch sa NBC The Tent sa The Fort last Wednesday afternoon.  Nagsimula nang mapanood ang “Good Morning Club” nina Paolo Bediones, Cheryl Cosim, Martin Andanar, Amy Perez, Chiqui Roa-Puno, Tintin Bersola-Babao, Lucky Mercado at iba pa. 

Napapanood na rin ang “Valiente” nina JC de Vera, Oyo Sotto, Nadine Samonte, Nina Jose, Michael de Mesa, sa direksyon ni Joel Lamangan. 

Sa Lunes, Feb. 20 na ang pilot telecast ng mini-serye ng singing sensation na si David Archuleta with Jasmine Curtis Smith, Eula Caballero at first TV directorial job ni Mac Alejandre sa TV 5.

Ilo-launch na rin ang back-to-back dramaserye nila, ang “Felina, Ang Babaing Pusa” ni Arci Munoz at ang “Isang Dakot na Luha” sa Feb. 27, 3 to 4 pm. 

Nariyan din ang game shows na “Toink! Sino Ang Tama,” “The Biggest Game Show in the World Asia,” ang “Game ‘N Go” nina Edu Manzano at Shalani Soledad-Romulo. 

Muling ibabalik sa March ang “Extreme Makeover Home Edition Philippines” nina Paolo Bediones, Tessa Prieto-Valdez. 

Sa NEWS5, ang docu na “Insider,” at ang bagong “Pilipinas News” simula sa Lunes, Peb. 20, nina Paolo Bediones, Cherie Mercado at Jove Francisco, 11pm.

Kapansin-pansin na si Paolo Bediones ang may pinakamaraming shows, ayon kay Mr. Bobby Barreiro, Executive Vice President and Chief Operating Officer of TV5, mahal daw nila at iniingatan si Paolo dahil ito ang kauna-unahang nagtiwala sa kanila nang lumipat ito sa TV5.

                                                            * * *

HINDI nakikipag-compete ang mga tween stars at ang kanilang youth-oriented show every Sunday, ang “Reel Love Presents Tween Hearts,” pero happy sila na patuloy silang tinatangkilik ng mga viewers after ng “Party Pilipinas.” 

Napatunayan nilang love sila ng mga manonood dahil sa more than one year na nila sa ere (muling na-extend ito until April, 2012), laging nauungusan nila sa rating ang kanilang mga nakakatapat. 

 Limang shows na rin ang tumapat sa kanila, pero hindi pa sila natatalo ng mga ito.  Biro nga ni Direk Gina Alajar nang dalawin namin last Thursday ang taping nila, bakit daw paborito silang tapatan ng ibang teleserye. 

Patuloy lamang naman ang story ng mga tweens na sina Barbie Forteza, Joshua Dionisio, Bea Binena, Jake Vargas, Joyce Ching, Kristoffer Martin, Kylie Padilla, Derrick Monasterio, Kiko Estrada, Kim Komatsu, Tee Jay Marquez, Hiro Magalona, Ken Chan at Rhen Escano. 

Special ang prom night bukas, dahil may special participation si Steven Silva as the commercial model na si Leo Navarro as the date of Kylie. 

At magandang balita sa lahat ng mga fans ni Julie Ann San Jose, dahil bukas ay papasok na rin siya sa “Tween Hearts” na makakatambal siya ni Jake at malamang maging love triangle sila ni Bea.

                                                            * * *

NGAYONG gabi, mapapanood ang “Valiente” marathon sa TV5, mula 9:30 – 11pm.  Tampok ang isang linggong episodes simula noong Lunes hanggang Biyernes.

                                                            * *  *

BUKAS, at 10:30am, bago ang “Party Pilipinas” sa GMA-7 mapapanood naman ang pilot week ng nangungunang primetime drama series na “My Beloved” nina Dingdong Dantes at Marian Rivera.