Mula sa pahayagang Aksyon
RIGHT
TIMING
By: nora
v. calderon
MARAMING kinilig
sa pahayag ni Dingdong Dantes tungkol sa pagpili sa girlfriend na si Marian
Rivera sa 2012 Top International Beauties.
Number 9 si Marian sa Top 10 at
siya lamang ang tanging Pilipina na nakapasok sa website ng TopTenz.net.
Hiyang-hiya si Marian dahil wala
raw siyang alam doon kaya nagpasalamat na lamang siya kung sinuman ang gumawa
ng website na iyon.
Pero ito ang sinabi ni Dingdong:
“Matagal ko nang alam kung gaano kaganda si Marian, kaya it’s high time na
malaman ng buong mundo na may isang Marian Rivera sa Pilipinas.”
Maraming nagsasabi na ang ganda-ganda naman talaga ni Marian sa bago nilang
soap ni Dingdong, ang “My Beloved.” And siyempre, ang guwapo naman ni
Dingdong.
Ngayong gabi sa “My
Beloved,” sinugod ni Emmie (Katrina
Halili) si Sharina (Marian) at
sinabunutan ito dahil ito raw ang bagong girlfriend ng boyfriend niyang si Benjie (Dingdong).
Aawatin niya si Emmie at makikipag-break na siya rito
dahil ang alam niyang mahal niya ay si Sharina.
Hihingi ng tawad si Benjie kay Sharina pero magagalit siya dahil
nagsinungaling ito sa kanya.
Walang maisagot si Benjie dahil kahit siya ay hindi niya
alam kung sino siya talaga. Isang pangyayari ang masasaksihan niya nang
may mamatay na lalaki at sinundo ito. Maaalaala niya na isa nga pala
siyang sundo.
* * *
PURING-PURI ni Aljur
Abrenica ang leading lady niya sa “My Kontrabida Girl” na si Rhian Ramos.
Second time nila itong nagtambal, nauna sa telefantasiyang “Ilumina” at first
time sa movie.
Ganoon pa rin daw si Rhian, very
professional, very energetic, lively at kung minsan daw sinusuportahan siya sa
eksena, like kung he needs na kunwari ay may kausap siya, hindi umaalis agad si
Rhian, she will stay kahit hindi naman siya makikita sa camera.
Naiiba raw ang role niya rito,
ayaw lamang niyang ikuwento pa, dapat daw ay panoorin ang movie na dinirek ni Jade
Castro, para malaman kung ano ang role niya as Chris Bernal.
Kahit matagal na, ilinaw pa rin kay Aljur ang issue na umiyak si Kylie
Padilla dahil hindi siya nakarating sa birthday nito, na break na sila at
noong Valentine’s day, nakipag-lunch siya kay Rich Asuncion dahil
nagkabalikan na sila, pero nakipag-dinner naman siya kay Sam Pinto dahil
ito raw ang pinupormahan niya ngayon.
Kung sinuman daw ang nagsulat
noon, dapat daw ay tinanong muna siya kung totoo dahil noong Valentine’s day,
ang ka-lunch niya ay sina Atty. Annette Gozon-Abrogar ng GMA Films at
pagkatapos ay pumunta na siya sa San Fernando, Pampanga dahil may show siya sa
Marquee Mall.
As to Kylie, ipinalam daw niya na
may work siya noong birthday nito at hindi siguradong makararating. Very
late na raw siya natapos at nakakahiya na raw tumuloy pa sa party dahil halos
umaga na siya na-pack-up.
Everyday ay nagti-text at
nag-uusap sila ni Kylie dahil pareho rin silang busy sa kani-kanilang
work. Siya nga sa “My Kontrabida Girl” na showing na sa March 14, at
daily napapanood si Kylie sa “The Good Daughter.”
* * *
WISH granted
kaya masayang-masaya and thankful si TJ Trinidad nang malaman niyang isa
siya sa dadalo sa premiere night ng horror movie na “The Road,” ang first
Filipino movie na ipalalabas commercially in the mainstream sa may 50 theaters
in the US and Canada simula sa May 11.
Nang malaman daw ni TJ na tuloy na
ang showing ng movie na dinirek ng international director na si Yam Laranas,
nagparamdam na raw siya na gusto niyang maka-attend nito.
Being a filmmaker himself, gustong
maranasan ni TJ ang pagdalo sa mga ganoong premiere showing lalo pa at gagawin
ito sa LA Live, ang theater na siyang pinagdausan ng Grammy Awards kamakailan,
sa May 9.
Tamang-tama na final week na ng
“Kokak” na pinagbibidahan nila ni Sarah Labhati, na napapanood
pagkatapos ng “Eat Bulaga.”
Ayaw pang sabihin ni TJ kung ano
ang susunod niyang soap sa GMA-7, pero kung hindi kami nagkakamali, makakasama
si TJ sa bagong soap na gagawin ni Richard Gutierrez, ang “Rancho” with Carla
Abellana and Sarah Labhati.
Walang komento:
Mag-post ng isang Komento