Papa Chen nakatanggap ng indecent proposal

 SA DAMI ng entertainment press na interesadong malaman ang iba pang mga bagay-bagay tungkol kay Richard Yap o mas kilala bilang si Papa Chen sa teleseryeng “My Binondo Girl” ay masasabi kong walang kaduda-dudang sikat na nga ang 44-year-old na baguhang aktor.

            Wow!  It’s something atypical.  Kung hindi ako nagkakamali ngayon lang nagkaroon ng ganitong kaso na ang isang baguhang aktor na lagpas na sa kalendaryo ang edad ay nakuha pang sumikat. 

            Si Papa Chen lang ang nakagawa nitey.

            Kahit ako aminado akong like kong pinapanood ang bruho sa “My Binondo Girl.”  I don’t know, ha, pero talagang malakas ang sex appeal ni Papa Chen kaya ultimo ang co-star niyang si Cherry Pie Picache ay kinikilig sa kanya.

            Unfortunately, happily married na si Papa Chen for 18 years and havey na siya ng two kids.  He graduated daw from De Lasalle University.

            Sa mga hindi pa nakakaalam, siya yung guwapong chef sa isang TV commercial ng Chowking noon.

            Dahil sa taglay na kakisigan at kaguwapuhan, hindi tuloy nakaligtas si Papa Chen sa tanong kung nakatanggap ba siya ng indecent proposal sa isang beki o bading.

            Tumataginting na ‘YES’ ang sagot ng bruho kaya lalong kinilig ang aking mga colleague.   Sa Twitter daw siya nakatanggap ng indecent proposal.

            Sayang, hindi na na-elaborate ang tungkol sa indecent proposal dahil biglang nagkaroon ng interruption.

            Eniweys, panay naman ang pasalamat ni Papa Chen sa entertainment press sa magagandang nasusulat about him at sa televiewers na patuloy na tumatangkilik sa “My Binondo Girl.”

            He was really thankful na sa edad niya raw na itey ay tinanggap siya ng madlang pipol, whew!

* * *

LAST January 13 ay ginanap ang election para sa mga bagong  set of officers ng Philippine Movie Press Club (PMPC).

Nangyari ang botohan sa mismong PMPC office, Room 202 DETA Bldg., 76 Roces Ave., Quezon City.

Ang bumubuo ng bagong opisyales ay ang mga sumusunod:  President:  Roldan Castro; Vice President:  Romel Galapon, Secretary:  Jimi Escala, Asst. Secretary:  Ador Saluta, Treasurer:  Boy Romero; Asst. Treasurer:  Blessie Cirera; Auditor:  Joe Cezar;  P.R.O.:   Beth Gelena; Board of Directors:  Julie Bonifacio, Veronica Samio, Letty Celi, Ernie Pecho, Gerry Ocampo, Timmy Basil, Benny Andaya.

Buong-pusong nagpapasalamat ang mga bagong nahalal na opisyales sa lahat ng miyembro ng PMPC lalung-lalo na si Pang.  Roldan kung saan una na siyang naging Pangulo nu'ng 2009 na nagkataong Silver Anniversary ng “Star Awards For Movies” at ngayon naman ay Silver Anniversary niya bilang showbiz writer.

Siya rin ang ama ng “Star Awards for Music” na nasa ikaapat na taon ngayong 2012.