Janelle nasaktan sa pagkalat ng sex video nila ni Ramgen

IBINUNYAG  sa “The Bottomline” ni Kuya Boy Abunda ng dating Kapamilya star at girlfriend ng pinaslang na aktor na si Ram Revilla, na si Janelle Manahan, na bago pa naganap ang karumal-dumal na pamamaslang kay Ramgen (tunay na pangalan ni Ram) at pamamaril sa kanya ay meron nang mga attempts para patayin ito.

That’s why hindi raw siya naniniwala sa ipinahayag kamakailan ni Genelyn Magsaysay, ina ni Ramgen, na siya talaga ang target ng killer at hindi ang aktor.

“No.  Kasi first, meron nang attempts, series of attempts before the incident…  Yung naisumbong po sa akin isa lang, yung naikuwento po sa akin.  Pero I'm not sure kung meron pang previous (attempts).”

            Tsika naman ni Kuya Boy, “Yung attempts kasi na sinasabi ko na aking nabasa, yung una raw pumasok, nakita yung larawan ni Senador (Ramon Revilla Sr.), umatras.
            “Tapos pangalawa, pumunta sa kuwarto, kinasa ang baril, umatras.  Yun ang alam mo?”
            “Yun ang naikuwento niya (Ramgen) sa akin,” sagot ni Jannelle.
            “Ano ang reaksyon ni Ramgen?  Sineryoso niya ba,” tanong ulit ni Kuya Boy.
            “Parang nung the way na kinausap niya ako or the way na minessage niya ako, parang nagtataka lang siya kung bakit.
            “Hindi niya rin iniisip na may papatay sa kanya.  Iniisip niya baka raw magnanakaw lang or kung sino.
            “Pero tinatanong niya nga sa akin bakit sa kuwarto niya kumakatok nang ganung oras,” ani Janelle.
            “Pero walang report na nangyari?  Hindi ito nakarating sa pulis,” follow-up question ni Kuya Boy.

“Sinabi ko sa kanya na i-report.  Pero huwag na lang daw kasi wala naman daw tao.  Kasi pina-check niya after,” sagot ni Janelle.

* * *

TUNGKOL naman sa sex video nina Ram at Janelle na kumalat sa internet ay ito ang naging pahayag ng huli:
            “Nagulat at natakot and, siyempre, bilang babae masakit yun.  Pero nung makita ko yung  family ko na sobra-sobra yung suporta...

“Hindi nila ako dyinadge kahit sobrang conservative ng pamilya ko.  Ang una kong naisip magagalit sila sa akin.

            “Hindi yun ang ipinakita nila. And they're trying to make me see yung mga nangyari in a positive way.”
            Pero ang tanong, bakit siya pumayag na magpa-video?

“May tiwala ako dun sa tao.  And mahal ko si Ramgen and matagal kaming magkarelasyon.

            “So, wala akong makitang masama dun sa ginawa ko.”
            Pagpapatuloy ni Kuya Boy, “Ang sabi ni Jobert (Sucaldito) at ang kanyang tanong,
           ‘Were you guys on drugs?”
            “No, definitely not,” mabilis na sagot ni Janelle.

    Never daw silang nag-take ng drugs.

            Ginawa raw nila ang naturang video coz they just wanted to but they were 100 percent sober daw.
            “Meron ba kayong intensyong itago ang file, sirain? What did you talk about the video,” tanong ni Kuya Boy.
            “Actually, nasira na po and deleted lahat ng files na yun.  Pero that time kasi... that was  2007 pa, we kept it until 2009.
            “And then, nung lumabas po yung scandal nina Hayden (Kho) at Katrina (Halili), dun kami nag-decide to delete the files in the laptop.
            “And 'nilipat po kasi namin siya sa CD, kasi we just wanted to keep it.  Kasi kami naman,  e. And alam naman namin na yung relationship namin is not for a while.
            “So, we tried to keep it.  Pero nung lumabas na yung scandal (Hayden-Katrina), sinira namin together.
            “So, I wasn't expecting na may lalabas na ganung video.
            “Kasi daw po kahit i-delete mo siya sa laptop... kasi nasira na namin lahat ng CDs, yung nasa laptop daw po nagki-keep siya ng files sa hard drive.
            “So, kahit deleted na siya mare-retrieve siya. So, baka ganun po ang nangyari.”
            At hindi naman daw niya pinagsisisihan ang nasabing video.

* * *

INAMIN din ni Janelle kay Kuya Boy na at some point ay isa siyang battered girlfriend.  Pero matagal niya na raw pinatawad si Ramgen dahil mahal niya raw talaga ito.
            Nung time na yun ay hindi raw puwedeng sabihin sa family niya ang tungkol sa bagay  na ito kaya sa mga kaibigan niya lang daw siya nag-o-open up.
            Pero kumbinsido raw si Janelle na nagbago na si Ramgen dahil bago raw ito pumanaw ay isang taon na siyang hindi nito sinasaktan.

Sa ngayon ay okay naman daw si Janelle and she’s trying to be strong.

Positibo rin siyang mapaparusahan ang may kasalanan sa pagpaslang kay Ramgen at pagbaril sa kanya.

            Hindi niya raw alam kung sino ito pero alam niya raw kung sino ang tao/mga taong nasa likod nito, whew!