Mula sa pahayagang Aksyon
XKANDALO
ROLDAN CASTRO
BABU na talaga si
Shalani Soledad bilang co-host ng “Wil Time, Big time.”
Kinausap daw ng Executive Producer na si Jay Montelibano si Coun. Shalani at
ipinaliwanag ang mga dahilan kung bakit hindi na siya makakabalik sa
numero unong game show sa primetime.
Iniyakan daw ni
Shalani ang balitang hindi na nga siya magiging bahagi ng show ni Willie Revillame.
Isa sa dahilan na
sinasabi ay hindi na nila mapapakilig ang mga fans ni Willie at hindi na siya
mabibiro dahil may asawa na siya.
Bukod dito, magiging
abala na rin si Shalani sa nalalapit na pangangampanya sa darating na eleksyon.
At least,
magkakaroon ngayon ng maraming oras si Shalani para makabuo sila ng
pamilya ni Rep. Roman Romulo.
* * *
Aiko posibleng balikan si Jom
LOCAL elections next
year, kaya tinanong si Aiko Melendez
kung may plano ba siya na tumakbong muli sa pulitika?
Dating konsehal si Aiko sa District 2 ng Quezon City.
“Hindi ko pa alam. Kasi I’m waiting for a sign. Sabi ko nga kung this year ibibigay sa akin
yung sign na yun then dun ko malalaman kung tatakbo ako o hindi,” pahayag ni
Aiko.
Ayon pa sa kanya…
“Pero hindi ko sinasarado yung possibility na tumakbo
ako kung kakailanganin naman ng QC pa, why not?”
Ano ang sign na hinihintay niya?
“Hinihintay ko na yung sign na meron akong gawin na
kontrata, iyong big contract na hinihintay ko for this year. Pag nangyari yun then definitely magpo-focus
ako sa showbiz more.”
Kontrata ng?
“Baka maudlot, e, basta network and pelikula.”
Kapag raw natuloy ang naturang kontrata ay magko-concentrate
sa pag-aartista si Aiko.
Kapag hindi natuloy, baka tumakbo siya…
“Kumbaga may possibility kasi dun sa ano, part ng
kontrata na hinihintay ko kasi is I cannot run, e.
“So pagka ano, natuloy talaga yun… and hina-haggle ko
naman na sana puwede kong pagsabayin di ba? Kaya ko naman, I mean I did it for nine years.
Kung mapakiusapan tatakbo talaga ako.”
Ganun niya kamahal ang Quezon City.
“Sobra! Kasi
nine years akong nasa pulitika and kahit ngayon na wala na ako sa politics ang
dami pa ring humihingi ng tulong, hanggang ngayon, as in !
“Tumatawag yung mga kapitan ko dati na mga natulungan,
siyempre kumbaga ang public service, once na nandiyan ka, forever nandiyan ka
na, e.”
Hindi ba niya hinangad na mas mataas na puwesto ang
takbuhin? Tulad ng pagiging senador?
“Ay, hindi pa ako ready sa ganun! Hindi ko pa kaya ang ganun. “Kasi ngayon pa
lang nga na I’m going back to showbusines, yung time ko sobrang hindi ko na
maayus-ayos.
“Pag kasi mas mataas na posisyon mas ang demands and
responsibilities mo, mas lumalaki so baka hindi ko kakayanin yun.”
Ang manager ngayon ni Aiko ay si Tito Boy Abunda.
“Backroom ako, magpa-five years na.”
What if sabihin ni Tito Boy na ie-exclusive na si Aiko
sa ABS-CBN?
“Kung maganda naman ang offer ng Channel 2 and magkaka-
compromise kami sa mga lahat ng hinihingi ko, then why not?”
Nasa ABS na rin si Carmina Villarroel…
“Yeah oo, si Ruffa naman na, nandito sa TV5. Sana nga e magkatraba-trabaho kami.”
Magkaka-batch sina Aiko, Ruffa at Carmina noon na
nakilala bilang Underage Girls at mga Regal Babies.
At hanggang ngayon ay may communication silang tatlo.
“Oo naman. In
fact si Ruffa before she left for Brazil magka-BBM kami. And then nung mga times na yun nga, yung
nagkaroon ako ng court case… you know I’m really blessed na kahit
na matagal kaming hindi nagkita, nagkita kami nung time na yun, we had dinner,
nagkuwentuhan, she assured me na andiyan pa rin yung friendship.
“And now that you know, her family, si Tita Annabelle (Rama) is going through a
controversy ngayon, pinagdadasal ko sila.”
Thirteen years old na ang anak nina Aiko at dating
karelasyon niya na si Jomari Yllana
na si Andrei. Nag-model nga ito for a Bench fashion show for
kids. Hanggang pagmomodelo lang ba niya
papayagan si Andrei?
“Actually there was an offer from Channel 5 na parang
gagawa ng kiddie show.
“Sabi ko kanya, ‘Do you want to do it?’ Sabi niya ‘Yeah, I can try doing
it.’ So hopefully kung maayos yung ano na ‘yan, baka.”
Si Tito Boy rin ang manager ni Andrei.
Si Marthina
naman ay five years old na, na anak naman nina Aiko at dating asawang si Martin Jickain.
Mag-aartista rin ba si Marthina?
“E bawal sa school e, Poveda kasi siya so bawal ang mag-artista.”
Paano kung gusto rin ni Marthina?
“Siguro puwede pero ano, studies talaga ang priority
dapat.”
With Andrei, meron silang constant communication ni
Jomari.
“Oo! In fact si
Jomari visited us here sa set (ng Nandito Ako). Dinalaw niya ako tapos si Gelli (de Belen), si G (Toengi), nakita din niya, kasi di ba
mga naka-work rin ni Jom.
“Okay kami ni Jom. Everything naman is…. ang usapan namin lagi,
if it concerns Andrei, he’ll always be part of it.
Loveless rin si Jomari, at loveless rin si Aiko. Pareho silang loveless, hindi kaya may
posibilidad na magkabalikan rin sila eventually? Na love is sweeter the second time around?
“Could be kaya lang ano siguro, mas kailangan pa namin
ng a little connection. Na talagang pag-uusapan namin and eventually siguro pag
mas nagkaedad pa kaming pareho, that’s the time siguro na baka puwede naming mai-consider.
“Nothing is impossible naman, di ba,” pagtatapos na
pahayag ni Aiko.
