PBB UNFAIR KAY MANOLO

Ngayong na-evict na si Manolo Pedrosa sa Bahay ni Kuya ay hindi na rin ako ganun kainteresado sa panonood ng PBB All In araw-araw, gabi-gabi.  Sa totoo lang kung meron mang isa sa mga karapat-dapat na mapabilang sa Big 4 ng PBB All In, yun ay walang iba kundi si Manolo. 

               Personality pa lang ay panalung-panalo na si Manolo.   Positibung-positibo ang dating, charming and refreshing.  Mga katangiang hinahanap ng mga advertising companies para mag-indorso ng kanilang mga produkto.  Yan ang lamang ni Manolo sa iba pang housemates.  I’m sure ngayon pa lang ay marami na ang interesadong kunin ang kanyang serbisyo.

               Kahanga-hanga ang pagiging isport ni Manolo.   Kahit na-evict na siya sa Bahay ni Kuya ay wala kang makikitang bitterness sa kanyang mukha kaya lalo lang akong humanga sa kanya.

               Pero in defense of Manolo and the other evicted housemates, may mga puna lang ako sa naging patakaran ni Big Brother right from the start.  Para lang ang gandang pakinggan na PBB All In dahil  pinagsama-sama ang regular housemates, teen housemates at celebrity housemates.  Pero sa totoo lang unfair sa regular at teen housemates ang pagkakasama ng celebrity housemates sa kanila.

               Bakit kamo unfair?  Dahil bahagi ng labanan ang boto ng televiewers tuwing may nano-nominate na housemate, natural may edge na agad ang celebrity housemates dahil kilala na sila ng madlang pipol at may sarili na silang hukbo ng mga tagahanga.

               Lets take the case of Jane Oineza.  Napansin niyo ba na sa tuwing nano-nominate siya ay naglalaro sa 40-49% ang nakukuha niyang boto mula sa madlang pipol?  Ang pinakamalapit lang palagi sa kanya ay si Loisa na nakaka- more than 30% lang. Kaya nung nagkatapat sila ni Manolo ay nanlumo ako.  Sabi ko siguradong ilalampaso ni Jane si Manolo.  Nagkatotoo nga ang kutob ko.  Jane got more than 68% while Manolo has only something like 32%.  Ang bongga naman ni Jane.  Hindi ko alam ang dami niya palang fans.  Sana paglabas ni Jane ng Bahay ni Kuya ay maramdaman ko na marami nga siyang fans.

               Isa pang napaka-unfair ng ginawa ng PBB ay ang isama ang celebrity housemates sa regular at teen housemates at ang nagdudumilat na katotohanang ang PBB at Star Magic kumbaga sa tao ay magkamag-anak.  Ang winners ng PBB ay automatic na magiging talent ng Star Magic.  Jane Oineza is already a Star Magic Talent, so bakit kailangan pang isama siya sa kumpetisyon?

               Unfair din ang pagpasok ni Daniel Matsunaga sa halos kalagitnaan ng kumpetisyon.  Imagine, ilang housemates na ang na-evict saka pa lang pumasok si Daniel? 

               Nung sina Vicky, Jane, Manolo at Daniel ay nanganib na ma-evict in-announce ni Toni Gonzaga na dalawa sa kanila ang lalabas ng Bahay ni Kuya.  Maliwanag yun kahit i-replay pa nila ang episode na yun ng PBB All In.  Hindi nila nilinaw na sa unang challenge ay isa ang maliligtas at makakabalik sa Bahay ni Kuya at pagkatapos nun ay may isa pa uling challenge.  So, we were made to understand na ang dalawang nominated housemates na may pinakamataas na score sa challenge na ibibigay ni Big Brother ang siyang makakabalik sa Bahay ni Kuya at ang dalawang may pinakamababang score ay yun ang lalabas ng Bahay ni Kuya.  Kaya nagtaka ako kung bakit biglang-bigla ay nagbago ang kundisyon ni Kuya nang si Manolo ang pumangalawa kay Daniel sa dami ng napatay na kandila,  Daniel got 87 while Manolo had 82.   Biglang meron nang second challenge.   So, okay lang dahil baka kako yung mananalo sa second challenge ay ang pangalawang ligtas at makakabalik sa bahay ni Kuya.  Unfortunately, si Vicky na ipinakita nilang walang natatamaang standee sa practice ay siya pang nagwagi with three points.  Si Manolo na ipinakita nilang maraming natamaan during practice ay naka-one point lang.  Si Jane ang lowest with zero point.  So, second na naman si Manolo kaya si Vicky ang naligtas.  So feeling ko  wala na talagang chance si Manolo na makabalik ng bahay ni Kuya dahil malinaw na sinabi ni Toni na dalawa ang lalabas sa Bahay ni Kuya sa linggong yun.

               Pero biglang-bigla in-announce nila na maglalaban pa sina Manolo at Jane para makabalik ang isa sa kanila sa PBB House.  But this time ay idadaaan na sa boto ng madlang pipol.  Ano ba yun, akala ko ba sabi nila dalawa ang lalabas ng Bahay ni Kuya pero bakit all of a sudden ay isa na lang?  Parang hindi talaga sila titigil  hanggat hindi nakakabalik si Jane sa PBB House.  Patay kako, hindi pa man nag-uumpisa ang botohan tiyak na panalo na si Jane.  Kawawang Manolo, feeling ko biktima ng scam.  Ayan, happy na si Kuya dahil pasok na naman ang obviously manok nilang si Jane.

               Tanong ko lang, bakit pag bumuboto ako for Manolo hindi tinatanggap ng server?  May load naman ako.  Tama naman ang keywords na pinasok ko pati numbers na pinadlahan ko sa Globe at sa Smart, Na-experience din ba ng ibang bumuboto kay Manolo ang na-experience ko?

               Pero okay lang kung hindi napasama sa Big 4 si Manolo.   Sinu-sino lang ba ang talagang sumikat na napasama sa Big 4, hindi ba’t sina Kim Chiu at Gerald Anderson lang naman?  Nasaan na ngayon sina Keana Reeves, Nene Tamayo, Myrtle Something at kung sinu-sino pang PBB Big Winners na hindi ko na maalala.

               Ang importante si Manolo ay isang mabuting anak na may masayang pamilya. He is true to his words na pag-aaral ang priority at hindi ang panliligaw sa loob ng Bahay ni Kuya.  Pero ngayong na-evict na si bagets, sino pa kayang teen housemate ang puwedeng maging huwaran ng kabataan?

               Si Mariz?  Ayaw ko sa kanya kasi wala siyang paninindigan.  Hindi niya ipinaglaban ang boto niya against Joshua dahil sa huli ay  pinili niyang mapalayas sa PBB house si Daniel na little sister pa naman ang turing sa kanya.  Iyakin pa. 

              Si Loisa?  Ayaw ko na rin sa kanya kasi hindi siya nagpapakatotoo.  Kunwari hindi siya apektado sa pagbaling ng feelings ni Joshua kay Jane pero iba ang sinasabi niya sa ginagawa niya.

               Si Joshua?  Ayaw ko na sa kanya kasi bukod sa pagiging tamad ay walang ginawa kundi manligaw sa loob ng bahay ni Kuya.  Hindi siya magandang ehemplo para sa mga kabataan.  Ilang beses na siyang binigyan ng pagkakataon para magbago pero paulit-ulit niya pa rin siyang nagtatamad-tamaran.  Kung kailan tatatlo na lang silang natira sa PBB house saka lang siya nagpakitang gilas

               Si Jane?  Ayaw ko sa kanya dahil ang plastic niya.  Nagtataka lang ako kung bakit biglang-bigla ay umarte siyang parang na-shock or nagpa-virgin effect after ipagtapat ni Joshua na mahal siya nito gayung before that ay panay na ang holding hands nila at sa tuwing magkasama sila ay parang sila lang ang mga tao sa mundong kanilang ginagalawan.

               About Vicky naman ayaw ko rin siyang mapabilang sa Big 4 kasi makakadagdag lang siya sa humahabang listahan ng PBB winners na walang nangyari sa career. 

               Si Daniel okay lang sana kaya lang gaya ng nasabi ko na unfair ang pagpasok niya sa PBB house at unfair din na ihalo ang celebrity housemates sa regular at teen housemates.  Sa totoo lang, hindi nakakatuwa ang pautot niyong yan, Kuya.  Okay lang na magkaroon ng guest celebrity housemate just like Alex Gonzaga pero yung sabihin mong kasali sila sa competition it’s so unfair.

               

Greta masyado nang nagiging masama sa pamilya...

WATCHING MACHINE

BY GAS GAYONDATO

 KAPATID versus kapatid.  Ina versus anak.  Anak versus ina.   Ina, kapatid, anak.  Aba parang

teleserye --- as the story goes the plot thickens.

            Sino pa nga ba ang bida sa much-talked-about teleserye of the hour kundi ang Barretto

family starring the Barretto sisters:  Gretchen, Marjorie and Claudine.

            Also starring is the Barretto matriarch Mommy Inday Barretto, Joaquin ‘Jay-Jay’ Barretto

and Gia Barretto-Reyes.  With the special participation of  Ms Tania Montenegro.

            Nagsimula lang ang lahat sa masasakit na salitang binitiwan nina Gretchen at Marjorie sa

isang instagram user called “btchjuliaisbitch” na obvious naman daw na si Claudine,  na

nagbantang sisirain si Julia Barretto (anak ni Marjorie kay Dennis Padilla) kapag pumasok ito sa

Star Magic.

             Dahil dito ay hindi na nakapagpigil si Mommy Inday kaya last April 24 ay lumabas sa

Funfare column ni Ricky Lo sa Philippine Star ang kanyang letter kung saan sinagot niya punto

por punto ang lahat ng patutsada ni Gretchen kay Claudine which she unwittingly opened a can

of worms.

            She revealed her (Gretchen) violent ways na nagbabato ng expensive plates.  She even

called her a liar.  Pati ang paghihiwalay nina Raymart Santiago at Claudine ay nabunyag.

            Apparently, malalim ang pinaghuhugutan ng mga sama ng loob ng Barretto matriarch sa

kanyang ika-5 anak (Gretchen).

            Pero sa totoo lang marami ang naiyak towards the end of her letter saying, “Gretchen,

I am not a wimp, never been one, but lahat may "hangganan." I have protected you all these

years without exposing to the world the real you. But you have pushed many of us to the wall.

There’s no other way but for us to defend our names! I have always loved you as one of my own,

and always will, but love of my family belongs to the heart and not in the garbage can!

I am letting go of a child now who never wanted me in order to save one who has always been

there for all, and with all of her love…Claudine!”

* * *

WITH that ay marami ang nag-abang sa susunod na kabanata.   Pumasok ang isang bagong

character – si Joaquin “Jay-Jay” Barretto, ang ika-3 anak nina Mommy Inday at Daddy Miguel

Barretto.

            Pinabulaanan niya ang lahat ng sinabi ng kanyang ina laban kay Gretchen.  Aniya, si

Claudine ang problema at hindi si Gretchen.

            Kung noong December daw sana of last year ay pumayag na silang ipagamot si Claudine

sa psychiatrist ay wala raw sanang ganitong problema ngayon.

            For the longest time raw ay pinu-provoke ni Claudine si Gretchen.

            He pictured Gretch as the ulirang anak and kapatid who sacrificed schooling at the age of

12 para magtrabaho at mabigyan sila ng maginhawang buhay. 

            Kumbaga si Gretchen ang nagsilbing breadwinner ng pamilya nung mga panahong yun.

            Oops, another character enters frame – si Gia Barretto-Reyes, ang ika-4 na anak nina

Mommy Inday at Daddy Miguel na kasalukuyang nasa Boston, Massachusetts.

            Kung si Jay Jay ay kay Gretch, si Gia ay naman ay para kay Claudine.  Pinasinungalingan

niya ang mga sinabi ni Jay Jay sa pamamagitan ng kanyang letter na lumabas sa Funfare

column ni Ricky Lo sa The Philippine Star last April 26.

            Ani Gia, si Claudine raw ang tumulong sa kanila sa panahon ng kagipitan at hindi si

Gretchen.

            Hindi raw nila pinuwersa na mag-showbiz si Gretchen kundi ito raw ang nagpumilit. 

At sa kakarampot nitong kita, makakaya raw ba nitong bigyan sila ng maginhawang buhay tulad

na nai-provide ng kanilang ama?

Sey pa ni Gia, “1. We live in big beautiful houses 2. Slept in carpeted, air-conditioned

rooms, 3. Food galore. 4. Put in an exclusive school. 5. Members of exclusive country clubs. 6.

We each have our own yayas, yours even a midwife. 7. Driven by chauffeurs.”

            Marami pang binitiwang maaanghang na salita si Gia laban kay Gretchen at sa ending ay

ito na lang ang pakiusap niya sa kapatid, "Please stop hounding us like an attack dog. We will
admit defeat if you just leave us in peace.

“Just totally disappear from our lives without leaving a trail of vile and misery. Please.

"Enough is enough! Leave us alone. Leave my family alone.”
            Then came Tania Montenegro, Gretchen’s best friend.  Sa mga binitiwan niyang pahayag
ay inilarawan naman niya ang kawawang si Gretchen nung nag-aaral pa sila sa Colegio de San
Agustin.
            Madalas daw napapalabas ito ng room pag exam kasi hindi pa nababayaran ang tuition. 
Madalas din daw pag-recess kulang ang baon nito o di kaya ay di ito umuorder sa canteen
samantalang ang ibang mga kapatid ay nagre-recess, nagla-lunch.
            Aba teka muna, enter frame ulit si Mommy Inday.   Aniya about Tania sa latest interview
sa kanya ng PEP, “Who is she and where did she come from?  She’s not even a part of my
family!

“She’s away-bati, away-bati with Gretchen.  They are the ones who used to malign

her…"

“She (Gretchen) paid this Tania Montenegro!  I don’t know for how much!  Walang

naniniwala.

“I don’t want to turn that bad. I cannot answer that in all conscience dahil ikasisira…

"Masyado na siyang magmumukhang masama sa pamilya at mundo ni Tony (Tonyboy
Cojuangco).”
            Dito ay nilinaw rin ni Mommy Inday ang isyu ng pagiging breadwinner kuno ni Gretchen
ng pamilya, ayon kay Jay Jay, and I believe naman she has a point.
            Yung sinasabing 12 years old pa lang si Gretchen ay naging model ito ng isang
clothing line.  So hindi pa raw talaga ito nagwo-work.

Nagsimulang gumawa ng pelikula si Gretchen at the age of 14.  Ito yung “14

 Going Steady.” ng Regal Films.
            Nasundan pa ito ng dalawang, ani Mommy Inday, unforgettable films.

            Korek yun.  So, papano nga naman masasabing naging breadwinner si Greatchen
ng pamilya gayung maliit pa lang naman ang kinikita nito at wala pa itong masyadong
ginagawang pelikula nung mga panahong yun?
            Madalas abonado pa nga raw si Mommy Inday sa gastos nito.
            When Gretchen reached 18, wala na raw ito sa poder nila at hindi na raw si
Mommy Inday ang nagha-handle ng pera ng bruha dahil nakipag-live in na raw ito kay Joey
Loyzaga while sila naman ay nasa Iloilo na.
            Yun lang and ayaw ko nang makisawsaw kasi it’s purely family matter.   
Marami pang revelations ang mabubunyag sa mga darating na araw pero natitiyak kong sa
bandang huli ay magkakakayos din silang lahat.
            Kung kailan, yun ang hindi ko alam.
            Ang punto ko lang, sana kung problema o alitang pampamilya, e, huwag nang daanin sa
instagram, facebook, tweeter at kung saan-saan o anu-anong social networking sites dahil ang
pangit tingnan washing your dirty linen in public, unless gusto niyo talagang magpapansin.
            Sa case ni Mommy Inday, its understandable na isinapubliko niya ang kanyang letter for
Gretchen para malaman din ng publiko what’s the real story or her side of the story behind all
those maaanghang na patutsada nina Gretchen and Marjorie against kay Claudine.
           
           
           

Angel, ER wagi sa "61st FAMAS Awards"

Mula sa pahayagang Police Files

WATCHING MACHINE

BY GAS GAYONDATO

 SA IKALAWANG pagkakataon ay muling nasungkit ni Angel Locsin ang Best Actress trophy

para sa kanyang mahusay na pagganap sa pelikulang “One More Try” ng Star Cinema, at ito’y sa

katatapos lang na “61^st FAMAS Awards” na ginanap sa AFP Theater, Camp Aguinaldo, Quezon

City, last April 21.

            Sobrang happy siyempre si Angel dahil maaga nga namang birthday gift ito para sa

kanya.  She celebrated her 28^th birthday last April 23.

Matatandaang unang nanalo si Angel as Movie Actress Of The Year sa nakaraang “29^th

Star Awards for Movies” na ginanap din sa AFP Theater noong March 10.

            Tulad ni Angel, sa ika-2 pagkakataon ay wagi rin as Best Actor si Laguna Gov. ER

Ejercito para sa Pelikulang “El Presidente” na muling humakot ng awards sa “61^st FAMAS

Awards.”

            Gov. ER was first adjudged as Movie Actor of the Year sa “29^th Star Awards for

Movies.”

            Si Cesar Montano ang nanalong Best Supporting Actor for the movie “El Presidente”
at si Jaclyn Jose naman ang tinanghal na Best Supporting Actress para sa pelikulang “ A Secret
Affair.”

* * *

“IT’S easy to forgive… makahulugang sagot ni Kim Chiu sa tanong sa kanya ni Boy Abunda sa

“The Buzz” kung napatawad na ba niya ang dating kaibigang si Maja Salvador.

“It’s hard to forget,” dugtong ni Kuya Boy.

“Siyempre madaling magpatawad, pero mahirap kalimutan yung ginawa nila,” 

naluluhang sabi ni Kim referring to Maja and her ex-bf na si Gerald Anderson.

            Alam naman siguro nating lahat na nag-ugat ang alitan sa pagitan ng mag-best friend

(Maja and Kim) nang maugnay si Maja sa ex-bf ni Kim si Gerald.

            Pero ang tanong ni Kuya Boy, papano nagagawa ni Kim na makasama si Maja sa mga

eksena nila sa teleserye nilang “Ina, Kapatid, Anak” sa kabila ng mga nangyari sa kanila?

            “Professionalism siguro, number one.  And sa pagmamahal ko sa trabaho ko, kaya

ganoon.”

            Sa kabila ng lahat, nangangarap pa rin ba si Kim na magiging maayos ang lahat sa
pagitan nila nina Gerald at Maja?

Aniya, “Oo naman, wala namang nangangarap ng hindi magandang buhay.

"Time will tell and, siguro, hindi pa ngayon.”

Natawa naman si Kim nang biglang i-segue ni Kuya Boy kung sila ba ni Xian Lim ay

officially together na.

            “Hindi ko masagot ‘yan, pero masaya ako na nandiyan siya.”

Pahabol pa ni Kuya Boy, “Is that another way of saying, ‘Yes, Tito?’”

“Basta ano, thankful ako na nandiyan siya for me,” sabi lang ni Kim.

Well, that was “The Buzz’s” special interview sa birthday girl na si Kim Chiu who just

celebrated her 23^rd birthday last April 19.

            Ayon sa isang panayam, isang promise ring at isang pares ng hikaw ang birthday gift ni

Xian Lim sa dalaga.

            Kung ano ang promise sa promise ring, e, secret daw sabi ni Kim.

* * *

ISA ang Regal matriarch na si Mother Lily Monteverde sa masugid na sumusuporta kay Grace

Poe (one and only daughter ng King and Queen of Philippine Movies na sina Fernando Poe Jr. at

Susan Roces at dating MTRCB chairman), na tumatakbo sa pagkasenador sa ilalim ng Team

PNoy.

            Kaya naman para mas mailapit pa si Grace sa entertainment press at sa masa ay

binigyan siya ni Mother Lily ng isang malaking get-together chorva na ginanap sa Imperial

Palace Suites,Timog Ave., Quezon City last April 20.

Dumalo sa nasabing pagtitipon ang ilang TV and movie personalities tulad ng mag-

asawang Albert at Liezl Martinez, Direk Maryo J. de los Reyes at Joel Lamangan.

Dito ay nabanggit ni Grace ang kanyang slogan na, “Ang inumpisahan ng tatay

ko, tatapusin ko.”

"Sabi nga nila, ‘Ano ba ang naumpisahan ng tatay mo na puwede mong ipagpatuloy, e,

hindi naman siya naka-entry sa politics?’

“Pero para sa inyo na nakakakilala sa kanya, ang naumpisahan ng tatay ko ay pagtulong

sa mga taong nangangailangan…

 Aniya pa, sa lahat ng gusto niyang gawin, sana maramdaman sa pinakababa.  Para ka

raw tigang na kailangan diligang mabuti.  Pero kailangan munang bungkalin at tanggalin ang

mga bato para makarating sa pinaka-ibaba.

“Gusto kong magkaroon ng standardized feeding program sa lahat ng pampublikong

paaralan.

“Sapagkat dinidinig ngayon ang K-12 program sa Kongreso, bakit hindi tayo maglagay

ng probisyon para magkaroon ng pananghalian sa paaralan?”

Bukod dito ay gusto ring matulungan ni Grace ang sektor ng agrikultura para raw hindi

na tumaas pa ang irrigated land.

 “Sa dalawa po na yun ako concentrated.

"At bagamat hindi ko nababanggit palagi, pero nasa puso ko ang ating industriya.

“Makakaasa po ang film and TV industry sa akin.

“Gusto kong dagdagan sana ang budget ng FDCP, MTRCB, lahat ng lugar na may

kinalaman sa industriya. 

"At kapag sinasabi nilang, ‘Ano ba ang ipinagyayabang mo, e, MTRCB lang naman

‘yan? Ano bang klaseng department ‘yan?’

“Totoo, maliit lang ang budget ng MTRCB, pero bawat bata nanonood ng telebisyon, 21

hours a week ang nire-regulate ng MTRCB at ang influence ng media ay nakakaapekto sa

kamalayan ng ating mga anak.

“Kailangan nating bigyan ng suporta ang film and TV industry.”

Nilinaw rin ni Grace na wala talagang tampuhan sa pagitan nilang magkapatid na si Lovi

Poe.

Hindi raw totoong ayaw niyang tanggapin ang alok ni Lovi na tumulong sa kampanya.

“Ay naku, wala talaga.  Kasi, ako pa nga ang nagpapasalamat kay Lovi dahil umpisa pa

lang, sinabi na niya na, ‘I’m there to support my Ate,’ that’s why I’m very touched.

“Kaya lang, hindi pa siya lumalabas dahil naghahanap naman tayo ng tamang okasyon.

Naikuwento rin ni Grace na, “Sa sobrang dobleng-edad ko kay Lovi, hindi naman kami

lumaking close. 

"Kapag nagkikita kami, she’s very warm to me and I am to her also.

"At hindi ko binalak na isama siya sa kampanya na baka sabihin, ginagamit ko naman

siya.

 “Hanggang Twitter lang kami nagsasagutan pero sa totoo lang, noon pa, nagtatanong na

siya on how can she go around with me. 

"Pero sabi ko, sa bandang huli siguro.”

“At may isa pang kuwento riyan kay Lovi.  One time, meron akong staff na nasa

Rockwell. Tapos nakasalubong niya si Lovi at sabi ni Lovi, ‘Where can we get that baller band?’

Nakalagay Grace Poe.

“Tapos sabi ng staff ko, ‘I have it in my van.’ 

"Sabi ni Lovi, ‘Can I have some?’ So, pagkabigay kay Lovi, si Lovi, isinuot agad at

tinweet.

“So, para sa akin, she said that she’s ready any time, I just want to find a right position,

Ayoko namang ipilit,” sey pa ni Grace.