GUILTY of Homicide
beyond reasonable doubt ang naging hatol ni Judge Roline Gines-Jabalde sa akusadong si Lance Corporal Joseph Scott Pemberton ng US Marines sa
salang pagpatay sa transgender woman na si Jennifer
Laude noong October 11, 2014.
Ang pagbasa ng sakdal kay Pemberton ay ginanap sa Olongapo
City RTC Branch 74 noong ika-1 ng Disyembre, 2015.
Magkahalong lungkot at saya ang naramdaman ng ina ni Jennifer
Laude na si Nanay Julita Cabilan,
magkapatid na Michelle at Malou Laude sa naging hatol kay Pemberton.
Masaya si Nanay Julita dahil kahit papano ay nabigyan din ng
katarungan ang pagkamatay ng anak.
Malungkot dahil ibinaba sa Homicide ang kasong Murder na isinampa nila
laban kay Pemberton.
Na-appreciate naman ni Nanay Julita ang ginawang paghihimay
ng korte sa nasabing kaso para mas maunawaan nila at ng publiko ang lahat ng
detalyeng nakapaloob dito.
Ganun din ang sentimyento ng legal counsel ng mga Laude na
si Atty. Harry Roque. Aniya, mas maganda sana kung Murder ang
naging hatol kay Pemberton.
Ibinaba sa Homicide ang hatol kay Pemberton dahil nabigo
diumano ang prosekusyon na patunayan ang isa man lang sa tatlong elemento ng Murder: Treachery, Use of Superior Strength at
Cruelty.
Hindi raw premeditated o hindi pinagplanuhan ni Pemberton ang
pagpatay kay Laude kaya wala raw treachery na naganap.
Bagamat physically ay matipuno si Pemberton, bata pa sa edad
na 19, idagdag mo pa ang katotohanang isa siyang skilled boxer, hindi naman
daw napatunayan ng prosekusyon na si Laude ay mas mahina kay Pemberton sa
kabila ng pagtrato nito sa sarili bilang isang babae. Therefore, hindi raw masasabing sinamantala
ni Pemberton ang kahinaan ni Laude. So,
the use of superior strength is not clear.
Hindi rin daw matatawag na cruelty ang ginawa ni Pemberton
kay Laude. Kumbaga, hindi pa maikukunsidera
na cruelty ang pag-armlock, pagkaladkad
at paglublob ni Pemberton kay Laude sa loob ng inidoro.
Pero hindi naman tinanggap ng korte ang bagong depensa ni Pemberton
na may third party involved sa pagkamatay ng biktima.
Sabi ng
kanyang mga abugado ay may nadiskubre ang United States Naval Criminal
Investigative Service na ibang traces ng DNA (deoxyribonucleic acid) sa palibot
ng leeg ni Laude na posibleng pag-aari ng ibang tao.
Ang siste, wala naman silang naiprisintang sufficient evidence
na pag-aari nga ng ibang tao ang nabanggit na DNA dahil wala namang makapagsabi
kung sino pa ang nakapasok sa loob ng kuwarto pagkatapos lumabas ni Pemberton.
Mas binigyang timbang ng korte ang testimonya ng bellboy ng
Celzone Lodge na si Elias Gallamos, na wala siyang nakitang ibang taong pumasok
sa room no. 1 (na ginamit nina Pemberton at Laude) nung lumabas ng kwarto ang
akusado.
Kaharap lang daw ng kanilang counter ang nasabing kuwarto
kaya namo-monitor niya kung sinu-sino ang pumapasok at lumalabas dito dahil
hindi rin daw siya umaalis sa kanyang puwesto.
Tungkol naman sa larawang may hawak-hawak na piece of
jewelry si Laude na kapwa hindi nila pag-aaari ni Pemberton, at pinalalabas ng
lawyers ng huli na pag-aari ng third party involved, ay kinuwestiyon ng korte
kung paanong nagawa pa itong agawin ni Laude gayung si Pemberton na mismo ang
nagsabing unconscious ito nang kanyang iwan.
Hindi naman daw puwedeng na-regain agad-agad ni Laude ang kanyang consciousness
all by himself.
Here are some points to consider:
Ang ginawang pagtakas ni Pemberton sa halip na tulungang i-revive
ang walang malay na si Laude ay considered admission of guilt.
Ang akmang pagsampal ni Laude kay Pemberton sa ikalawang
pagkakataon ay hindi maituturing na life-threatening, na kanyang ikinakatwiran kaya niya ito nagawag patayin.
Hindi rin katanggap-tanggap na self-defense ang ginawa ni Pemberton
kay Laude nang maisip niyang pagtulung-tulungan siya nina Barbie (kaibigan ni Laude na kasama nilang pumasok sa Cellzone
Lodge), Elias Gallamos at isa pang empleyado ng naturang lodge. Ayon sa korte
ito ay imaginary lamang dahil silang dalawa lang ang nasa kwarto nung mga oras
na yun.
Dalawang mitigating circumstances na binanggit ng kampo ni
Pembertonang ang kinatigan ng korte.
Una, fraud on the part of Laude dahil itinago nito kay Pemberton ang kanyang
tunay na pagkatao.
Pangalawa, intoxication
dahil si Pemberton ay nakainom na ng anim na bote ng beer nung napatay niya si
Laude.
Ni-rule out naman ng korte ang claim ng kampo ni Pemberton
na Laude committed Acts of Lasciviousness dahil hindi naman siya nito pinilit o
tinakot para makipag-sex.
Si Lance Corporal Joseph Scott Pemberton ay hinatulang
mabilanggo mula 6 (minimum) hanggang 12 taon (maximum).
Pinagbabayad din siya ng 155,000 (burial expenses), 50,000 (moral damages), 30,000 (exemplary damages),
at 4,320,000 (lost earnings), sa kabuuang 4,555,000.
Iniutos din ng korte na ikulong siya pansamantala sa New
Bilibid Prison sa Muntinlupa pero nagkaroon ng standoff nang di pumayag ang kanyang
12 US guards na i-turn over siya sa PNP.
Nag-file sila ng handwritten motion for clarification na
dininig naman agad ng korte.
Inutusan ng korte ang Philippine Commission on Visiting
Forces na magsumite sa loob ng limang araw mula ngayon ng Memorandum of
Agreement na pinasok nila at ng written agreement between duly authorized
representatives of the US and the Philippines on the confinement or detention
of accused Pemberton after conviction.”
Sa ngayon ay nakabalik na si Pemberton sa Camp Aguinaldo.
