Toni handa nang pakasal kay Direk Paul

Mula sa pahayagang Police Files

WATCHING MACHINE

BY GAS GAYONDATO

NGAYON pa lang ay tila may naamoy na akong kasalang magaganap in the very near future between Toni Gonzaga at Direk Paul Soriano.

                Pwede itong maganap next year o the year after next year o pwede ring bago matapos ang taon.

                It’s all up to Direk Paul to make it happen.  

Kapag hindi siya nag-propose agad-agad kay Toni ay sayang naman ang pagkakataon dahil    kung babagal-bagal pa siya ay baka biglang magbago ang isip ng kanyang girlfriend of seven years.

                Sa tanong kasi kay Toni sa isang interview if ever mag-propose sa kanya ng kasal si Direk Paul ay bonggang-bonggang ‘Yes’ ang sagot nito.

                Opo, hindi na nagpakiyeme-kiyeme pa ang tinaguriang Multi-Media Star coz it’s about time naman talaga na lumagay na sila sa tahimik.

                Twenty nine na si Toni ngayon going thirty next year kaya swak na swak sa target age niya na mag-asawa.

                Besides, sa pitong taong pagiging mag-on nila ni Direk Paul ay wala siyang naging problema dito dahil naging faithful boyfriend naman ito sa kanya.

                Sa palagay ko naman ay natupad na rin ni Toni ang mga gusto niyang mangyari sa kanyang career bilang artista.

                She’s one of the most bankable stars of ABS-CBN and Star Cinema at mahusay na TV host kaya wala na siyang dapat patunayan pa.

* * *

Kuya Germs at Jhake:  The master and his dog

EWAN kung aware si Kuya Germs o wala lang talagang naglalakas-loob na magsabi sa kanya tungkol sa ginagawa niyang pagtrato sa alaga niyang si Jhake Vargas.

                Marami kasi ang nakakapansin na hindi lang basta manager-talent o tatay-tatayan-anak-anakan ang relasyon nila ni Jhake kundi para silang si master at si doggie.

                Kulang na lang daw lagyan ni Kuya Germs si Jhake ng dog collar sa leeg sabay utos ng ‘Sit,’ ‘Up,’ and ‘Roll,’ ha-ha-ha!

                Kung napapanood niyo ang ‘Walang Tulugan’ tuwing Sabado ng gabi, si Kuya Germs ang taga-utos kay Jhake kung ano ang gagawin o sasabihin nito.

                ‘Jhake pasalamatan mo si ganito o si ganyan…  Jake meron kang gustong itanong kay ganito-ganyan…  Jhake halika rito, umupo ka rito...  Jhake batiiin mo si chorva, etc. etc.’

                Ganun palagi ang maririnig kay Kuya Germs sa kanilang show kaya nagmumukha tuloy tanga ang pobreng bata.  Ang pobreng bata raw, o!

Ito naman kasing si Jhake parang hindi pa rin natuto kaya tuloy si Kuya Germs pa ang nagtuturo sa kanya kung ano ang dapat niyang gawin kapag tsikahan portion na.

Madalas pang laging parang lumilipad ang isip ng young actor kaya kapag tinanong na ni Kuya Germs ay bigla na lang itong natutulala o di kaya ay nabibigla, sus!

* * *

 Jodi parang aso kung tratuhin ni Richard

SPEAKING of the dog and the master, naalala ko tuloy sina Sir Chief (Richard Yap) at Maya (Jodi Santamaria) sa kanilang promo ad.

                Parang hindi naman yaya ng mga anak ni Sir Chief si Maya kung tratuhin niya ito kundi parang alaga niyang aso.

                Dun kasi sa kanilang promo ad, after magsalita ni Maya ay natuwa sa kanya si Sir Chief sabay sabing, “Very good, Maya,” na para bang pagkatapos magawa nang bonggang-bongga ng kanyang alagang aso ang trick na kanyang ipinagawa ay pinuri ito sabay bigay ng reward na buto.

Very good, Maya.  Ha-ha-ha!