Marya nakakatakot katrabaho

Mula sa pahayagang Police Files

WATCHING MACHINE

BY GAS GAYONDATO

 ANG management team na mismo na humahawak sa career ni Maricel Soriano ang

nagsasabing kailanganng aktres na sumailalim sa anger management after nitong ma-involved sa isang

‘unfortunate incident’ with Gerald Anderson sa first taping day ng teleserye nilang “Bukas Na Lang Kita

Mamahalin.”

                Hindi naman nag-elaborate ang ABS-CBN kung ano yung unfortunate incident na

kinasangkutan nina Marya at Gerald pero ayon sa mga naglabasang tsika ay sinigawan diumano ng una

ang huli dahil hindi makuha-kuha ng aktor ang tamang acting na hinihingi ng kanilang eksena.

                Dahil sa pangyayaring ito ay parang na-trauma raw si Gerald kaya ayaw na raw nitong mag-

report sa kanilang teyping.

                Mukhang mahirap na raw maayos ang gusot sa pagitan ng dalawa kaya nagdesisyon na lang daw

ang ABS-CBN na tanggalin na lang sa cast si Marya dahil ang nasabing teleserye ay para

talaga kay Gerad at naniniwala silang tatangkilikin ito ng televiewers with or without Maricel Soriano.

                Wala pang opisyal na pahayag ang naturang TV network kung sino ang ipapalit kay Marya pero

ayon sa nasagap naming sitsit ay malamang daw si Dawn Zulueta ang pumalit dito.

                  Sa ngayon ay hindi pa rin malinaw kung tuloy pa rin si Marya sa pelikulang gagawin nito sa

movie arm ng Kapammilya Network na Star Cinema dahil malamang nga na sumailalim muna ito sa

anger management para maiwasan ang problema sa susunod na pagsalang nito sa isang proyekto.

                Nakakatakot na kasing katrabaho ang aktres, nahihirapan itong pigilin ang kanyang galit.  Ang

sabi’y dahil daw meron itong pinagdadaanan katulad na lang ng sobrang depresyon dahil sa

pagyao ng kanyang ina.

* * *

MASAYA ako para kay Tiya Pusit na inlababung-inlababu sa kanyang much younger boyfriend na si

Nathaniel (tama ba?).

                Sa laki ng agwat ng edad nila, 64 na si Tiya Pusit while 27 lang si Nathan, itsura ng  

mga bagets kung sila ay maglambingan.

                Ayon sa binatang karelasyon ni Tiya Pusit ay hindi raw isyu ang malaking agwat ng edad nila,

basta ang alam niya raw ay masaya siya kapag magkasama sila.

                Si Tiya Pusit naman, tulad ng mga nauna niyang naging karelasyon, ay umaasang si Nathan na

ang lalaking makakasama niya for life.

                Kaya lang tulad sa intrigang ibinabato sa magkarelasyong Ai-Ai delas Alas at boyfriend nitong si

Jed Salang ay pera lang daw ang habol ng lalaki kay Tiya Pusit.

                Marami pa rin kasi ang nagdududa kung tunay ngang mahal si Ai-Ai at Tiya Pusit ng kani-kanilang

karelasyon dahil nga bukod sa hindi naman sila kagandahan ay ang laki pa ng tanda nila sa mga ito, lalo

na si Tiya Pusit na pwede niya nang maging apo ang kanyang boyfriend.

                How cruel talaga the madlang pipol ‘no para husgahan agad-agad ang mga lalaking

nagpapatibok sa puso nina Ai-Ai at Tiya Pusit.

                Pero ang bottomline naman ng lahat ng ito ay ang happiness na nararamdaman nila at the

moment sa piling ng kani-kanilang partner.

                Handa naman siguro sila sa maaaring maging kahinatnan sa pinasok nilang relasyon -- na

pwedeng panandalian lang o pwede ring maging forever.

                What if maging forever nga, di ba sayang naman kung hindi sila nag-try?

* * *

MAGANDA ang tinatakbo ng story ng “Teen Gen” na napapanood every Sunday after “Party Pilipinas” sa

GMA 7.

                Hindi lang ito basta kuwento ng mga kalokohan ng teenagers ngayon kundi meron ding social

relevance.

                Katulad na lang nung mga unang episodes nito kung saan ibinigay na lang ni Tiago (Jeric

Gonzales) ang bago niyang mamahaling rubber shoes sa isang nakalaro nila sa basketball na

nakatsinelas lang.

                Na-realize kasi ni Tiago na maswerte silang mga anak-mayaman dahil can afford silang bumili ng

mamahaling gamit samantalang yung mga anak-mahirap ay nagtitiis na lang sa kung ano lang ang

kayang ibigay sa kanila ng kanilang mga magulang.

                Nakaka-touch yung eksenang yun.  Ang sarap sana kung lahat ng rich kids ay katulad ni Tiago

 mag-isip ‘no?

                Kuwela rin yung mga moments nina Angelu de Leon at Bobby Andrews na gumaganap na

mommy ng bidang babae at bidang lalake respectively.

Bale extension na kasi ang “Teen Gen” ng characters nila noong mga teenagers pa sila sa “TGIS.”

Now, I’m sure marami sa mga nanay at tatay niyo ang naghihintay na mapanood sa “Teen Gen”

ang ilan pa sa original cast ng “TGIS” tulad nina Onemig Bondoc, Raven Villanueva, Michael Flores at Rica

Peralejo.

                Ang nakikita ko lang setback ng “Teen Gen” ay ang walang kabuhay-buhay na acting ng mga

bida,  parang hindi sila dumaan sa acting workshop bago isinalang sa show. 

                They need to strive harder to improve their acting kung ayaw nilang ma-Maricel Soriano ni Direk

Mark Reyes ‘no!