Daniel pumalag sa mga bashers ni Kathryn sa Twitter

Mula sa pahayagang Police Files

WATCHING MACHINE

BY GAS GAYONDATO

Snooky ayaw na sa lalaki

 “I’m not interested in men.  Ayoko na sa lalaki.  I’m used to be alone,” mabilis na sagot ni Snooky Serna sa tanong ng isang kasamahan sa panulat kung may bago ba itong manliligaw nang makorner namin after niyang mag-cut ng ribbon sa grand opening ng Shimmian Manila

Surgi Center sa SM Pampanga.

            At 47 (Kabi-birthday lang ni Kukay last April 4), hindi na raw siya naghahanap ng lalaki sa buhay niya.  Masaya na raw siya sa piling ng kanyang two lovely daughters (Sam, 20, and Saachi, 16).

            Pero hindi naman daw siya nasi-zero kung suitors din lang ang pag-uusapan.  Kahit papano meron pa rin naman daw siyang manliligaw, kaya nga lang ay hindi na raw talaga siya interesado sa mga lalaki.

            She’s very proud of Sam na 4^th year college na sa La Salle taking up European Studies.  

Happy siya na hindi man siya nakapagtapos ng pag-aaral ay mukhang ang mga anak naman niya

ang tutupad sa pangarap niyang ito.

            Pareho raw kasing walang hilig mag-artista sina Sam at Saachi, sa studies lang talaga

naka-focus ang mga ito.

            Sa totoo lang gustung-gusto ni Kukay na magsulat.   She’s been asking around nga

kung saan pwedeng magsulat ang mga katulad niyang artista.

            Wala lang.  Gusto niya lang daw ilabas what’s in her mind.

            Nagkaroon na nga raw noon ng pag-uusap tungkol dito para sa isang daily newspaper

pero for whatever reason ay hindi ito natuloy.

            Happy rin siya sa fact na hindi pinababayaan ng ex-husband niyang si Ricardo Cepeda

ang dalawa nilang anak.

            Sinusustentuhan naman daw nito sina Sam at Saachi.  Bale siya naman daw ay self-

supporting ang beauty kaya tuluy-tuloy sa pagkayod to the max.

            So, are they in good terms now ni Ricardo kahit may bago na itong labs sa katauhan ng

noo’y  top ramp model and part-time actress na si Marina Benipayo?

            “We’re not friends but we’re civil,” sabi lang ni Kukay na kahit medyo tumaba ay tila

mas nagmukhang fresh na fresh at younger looking.

            Totoo yun, walang etching.

            Inaamin naman ng bruha na utang niya ang bago niyang angking kabataan sa Shimmian

Manila Surgi Center nina Drs. Levi at Anna Marie Lansangan kung saan sumailalim siya sa

nauuso ngayong stem cell procedure.

            Eniweys, bisi-bisihan ang drama ng Lola Kukay niyo ngayon dahil pagkatapos ng ”Kahit

Konting Pagtingin” ay papasok ang character niya sa “Apoy sa Dagat” and then sa nagbabalik na

“Anna Liza.”

            Sana nga tuluy-tuloy na ang pagsisipag ni Kukay coz she’s not getting any younger, 

di ba?

* * *

SA PRESSCON proper ng Amigo Segurado Spaghetti and Macaroni ay tinanong ang mga

endorsers nito na sina Richard Yap at Daniel Padilla kung may pressure ba on their part para panatilihin ang kanilang wholesome image sa publiko dahil isa ito sa mga dahilan kung bakit sila napiling endorsers ng nasabing produkto.

            Dahil sa tanong na yun ay nagkaroon tuloy si Daniel ng pagkakataon na maglabas ng sama ng loob laban sa mga naninira sa kanyang ina na si Karla Estrada at sa kanyang ka-love team na si Kathryn Benardo.

            “Hindi lang sa akin, tungkol sa pamilya, iba-iba. Pero, ang sa akin naman, kung minsan,

mukha naman ako masyadong mayabang…”

“Nanay ko na yung binabastos, e.  Kumbaga, kaya mong pumatay para sa nanay mo, e.

Lahat kaya mong gawin para sa nanay mo, kahit sino sa pamilya mo.

“Kaya siguro ang tingin nila sa akin medyo maangas, mayabang, ganyan.  Pero may sari-

sarili naman tayong personalidad, di ba?”

            Hindi ko masyadong na-gets ang sagot ni Daniel.  Parang may issue or something, na

Pinagdadaanan ang bagets.

Kaya after ng question and answer portion para sa Amigo Segurado Spaghetti and

Macaroni ay sinamantala ko, at iba pang entertainment writers, ang pagkakataon

na makatsikahan si Daniel to elaborate on this.

Tinanong ng isang colleague ang bagets kung anu-ano ba ang sinasabi ng mga tumitira sa

nanay niya at kay Kathryn?

“Basta foul, sobrang foul yung sinabi sa ermats ko.

“Sa Twitter…alam nyo namang dun lang puwede.  Hindi naman nila kayang

sabihin sa harap namin, di ba?”

 “Mali, e! E di naman siguro… Hindi naman ako yung masama, e. Hindi

naman ako yung nagkakaro’n ng kahit anong kasalanan. Sila din yung nagiging

napakabastos ng ugali, di ba?

“Sobrang bastos lang kasi. Isipin nyo, ilang taon ka lang, binabastos na yung

 magulang ng isang tao.

“Basta pati magulang ko binabastos, pati si Kathryn. Ano ba namang

klaseng tao ka?”

Papano ba nagsimula ito?  Alam ba niya ang dahilan kung bakit may mga

taong nagsasalita ng hindi maganda laban kay Kathryn at sa kanyang ina?

“Wala nagpapapansin lang! Pang-bad trip lang,” sabi lang ng young actor.