Aljur apektado sa mga tumitira kay Kylie sa Twitter

Mula sa pahayagang Police Files

WATCHING MACHINE

BY GAS GAYONDATO

SA MEDIA launch ng Blue Water Day Spa na ginanap sa Edsa Shangri-la , kung saan isa si Aljur Abrenica sa mga bagong endorsers nito, ay natanong ang aktor kung sino o sinu-sino ang mga taong pinatutungkulan nito sa kanyang tweet na tila may halong galit.

Sabi kasi ni Aljur sa tweet niya,  “Nirerespeto at kinasasaya ko ang lahat ng sumusuporta sa amin ni kris.  Pero sana kung wala rin po tayong masasabing maganda sa ibang tao wag na po tyong magsalita.

“Dahil hindi natin alam na nakakasakit na po tyo. Respeto lang po sana ang hinihingi ko.. mas maganda rin po cguro na mas marami tayong kaibigan kesa sa makasakit tayo sa kapwa.salamat.”

Pero agad namang humingi ng pasensya si Aljur hinggil dito sa entertainment press  at aniya ay tao lang daw siya.

Sey pa ng aktor, for the longest time nakikita niya raw yung mga comments  na tungkol sa girlfriend niyang si Kylie Padilla na sobrang  below the belt na ay pinapalagpas niya lang  daw ang lahat ng yun.

“Siyempre twitter ‘yan, hindi naman natin mati-trace kung sino ang mga ‘yan.  Kahit siguro sino sa atin pwedeng gumawa ng account,” katwiran pa ng hunk actor.

 Hindi naman naniniwala si Aljur na mga fans mismo nila ni Kris Bernal ang nagpo-post ng mga di magagandang comment laban kay Kylie.

Kilala raw niya ang mga fans nila ni Kris.   Hindi raw magagawa ng mga ito ang ganun.  Rerespetuhin daw ng mga ito kung sino man ang kani-kanilang karelasyon.

Feeling ni Aljur ay mga tao lang daw talaga yun na nagti-trip.

With regards naman kay Kylie,  nung una raw ay nasasabi ng young actress sa kanya na nasasaktan na ito sa kanyang mga bashers.  

Sinasabi na  lang daw niya dito na huwag na lang pansinin ang mga yun.  Pero lately raw ay siya na ang naapektuhan.  

* * *

MAS cute pala sa personal ang isa sa mga paborito kong contestants noon sa “ X Factor Philippines,” na pinagwagihan ni KZ Tandingan at pinagkalokohan ng isang nagnangalang Kedebon.

            Yup, ang tinutukoy ko po ay si Michael Pangilinan na isa na sa mga tinitilian ng mga kababaihan at kabadingan sa “Walang Tulugan With The Master Showman” ni Kuya Germs at sa “Party Pilipinas” ng GMA 7.

            Imagine, nung sina Michael at Kedebon ang pinagpilian para manatili sa “X Factor” ay ang mukhang sintu-sinto ang pinaboran ng mentor nilang si Martin Nievera. 

            Ikinaloka talaga ng madlang pipol ang naging desisyon na yun ni Martin.    Ewan kung for what reason at yun ang naging desisyon ng Lolo Martin niyo, e samantalang obvious namang mas may x factor si Michael kaysa sa Kedebon na yun.

             Sa 9^th anniversary ng Zirkho na ginanap mismo sa Zirkho-Morato last Sunday ay buong ningning pang ipinagmalaki at pinasalamatan ni Michael si Martin bilang mentor at inialay pa dito ang paborito niyang hit song nitong “Kahit Isang Saglit.”

            You see, ganyan kabait ang batang ‘yan, ni hindi siya nagtampo  o nagtanim ng sama ng loob kay Martin sa pagkakatsugi nito sa kanya sa “X Factor Philippines.”

            Eniweys, isa pa sa talagang tinilian nang husto ng mga nanood ng 9^th anniversary show ng Zirkho, especially ng mga matrona, ay si Sam Milby.

            Wala pa rin talagang kupas ang appeal ni Sam sa mga lola niyo.   May narinig pa akong matrona na pabulong na sinabing gusto niyang i-take home si  Sam sa halagang 5 thousand dollars.

            Panalo rin sa tsika si Gladys Guevarra  na puro foreynger naman ang tinira at pinagtripan!  Nakakalokang talaga, whew!