Si Daniel dapat ang hinulaang makakabuntis kay Kris

Mula sa pahayagang Police Files

WATCHING MACHINE

BY GAS GAYONDATO

 SIGURO kung yung humula na mabubuntis ni Coco Martin si Kris Aquino this year ay si Daniel Matsunaga ang hinulaang makakabuntis kay Kris, kahit malabo na sa ngayong mangyaari, eh, meron pa ring konting kredibilidad na matitira sa kanya dahil kahit papaano ay malapit naman sa katotohanan ang kanyang hula.

            Imagine, ilang araw na lang ay bagong taon na pero wala pa ring nabubuong romansa sa pagitan nina Kris at Coco.  Close friends lang daw ang dalawa at hanggang doon na lang daw yun, say ni Coco noon. 

Sa umpisa pa lang ay hindi nga sila nagpakita ng senyales na type nilang maka-date ang isa’t isa, e, ang magkabuntisan pa kaya?

            Sa true lang, si Kris kahit hindi niya aminin o kahit todo iwas pa siya kapag tinutukso siya nina Vice Ganda at Ai Ai delas Alas kay Daniel, ay ipinagkakanulo naman siya ng kakaibang kislap ng kanyang mga mata sa tuwing nababanggit ang pangalan ng guwapong Brapanese (half Brazillian-half Japanese) na model-turned actor na kasama rin sa pelikula nilang “Sisterakas.”

            Tila iba ang sinasabi ng kanyang bibig sa binubulong ng kanyang dibdib, huh!

            Super nakakaaliw ang guesting nina Kris at Ai-Ai sa “Gandang Gabi Vice” last Sunday.    Sumentro kasi ang usapan about relationship, partikular na ang pagkaka-link nina Kris at Daniel sa isa’t isa.

Botong-boto kasi sina Vice at Ai-Ai kay Daniel para kay Kris dahil bukod sa extremely goodlooking na, e, mukhang mabait pa raw.

Ewan kung sinasakyan lang ni Daniel ang panunukso sa kanila ni Kris ng dalawang bakla (Vice at Ai-Ai) pero mukhang interesado naman ang ex-bf ni Heart Evangelista na ligawan si Kris kung papayag lang ito, kaso kumikiyeme pa ang bru na wala pa sa isip niya ang maglumablayp kaya no way pa na magpaligaw siya sa binata.

            Sa gitna ng tuksuhan ay binuking nina Vice at Ai-Ai na magge-guest ulit si Daniel sa”Kris TV.”  Sabi naman ni Kris, hindi lang basta guest si Daniel sa kanyang show kundi regular co-host niya na raw ito kapalit ni Jason Francisco na ka-tandem ni Melai Cantiveros.

                Yes, si Melai na kiyeme-kiyemeng nirereto ni Kris kay Daniel pero ang totoo, pambubuking nila Vice, ay si Kris daw talaga ang may gusto.

            Natawa pa nga si Kris na dahil kay Daniel ay nawalan ng trabaho si Jason.

            At dahil natuwa si Kris kay Daniel ay in-announce niya agad-agad sa show ni Vice na magkakaroon din ito ng role si sa bagong teleserye nila nina Robin Padilla at Anne Curtis.

             Well...

* * *

SINAGOT ni PAO Chief and 26^th Star Awards for TV 2012  Best Public Service Program Host, na si  Atty. Persida Acosta, ang tanong ng isang colleague kung pabor ba siya sa pagkakapasa ng RH Bill sa Kongreso at sa Senado.

            Oo naman, aniya.  Kailangan lang daw maipaliwanag nang mabuti sa madlang pipol kung ano talaga ang advantage ng Reproductive Health Bill, o mas kilala sa tawag na RH Bill,  kapag ito ay naisabatas na.

            Sa RH Bill ay malaya naman daw makakapamili ang mga mag-asawa kung anong paraan ng family planning ang gusto nilang gamitin at isa na nga raw riyan ang natural birth control na pinapaboran ng Simbahang Katoliko.

            At katulad ng Simbahang Katoliko ay tinututulan din ng RH Bill ang abortion.

            Sa true lang ay hindi lang naman tungkol sa Reproductive Health ang nabanggit na bill.  Tungkol din ito sa Responsible Parenthood,  Maternal & Child Care, Sex Education and Population and Development.

            Gusto ko sanang itanong kay PAO Chief kung bakit kailangan pang gawing batas ang naturang bill gayung malaya naman palang makakapamili ang mga mag-asawa ng paraan ng pagkokontrol ng pamilya, pero nasagot niya agad ito bago pa ako nakapagtanong.

            Aniya,  mahalagang maging isang ganap na batas ang RH Bill para hindi na mahirapan ang gobyerno pagdating sa funding (ng family planning devices katulad ng  condoms, birth control pills at IUD’s) pati na ang pagde-dessiminate ng information ng gamit ng mga ito sa lahat ng health care centers.

            After magpaliwanag ni PAO Chief Persida Acosta tungkol sa RH Bill ay inalayan naman siya ng mga miyembro ng PMPC ng ilang awiting Pamasko kung saan pati siya ay nakikanta na rin.

            Bago natapos ang naturang Christmas Party ay pinasalamatan ni Manay Ethel Ramos (tinaguriang Dean ng entertainment press) si PAO Chief sa pagiging supportive at magiliw nito sa nasabing samahan ng entertainment press.