Angel never magkakaanak

Mula sa pahayagang Police Files

WATCHING MACHINE

BY GAS GAYONDATO

Ayon sa hula...

Angel hindi mabubuntis at never magkakaanak

 Angelica magkakaroon ng 5 anak na iba-iba ang ama

HINDI raw magkakaanak at never mabubuntis si Angel Locsin, ayon sa controversial psychic kuno na si Robert Daz na siya ring humula last year na mabubuntis ni Coco Martin si Kris Aquino, na hindi naman nagkatotoo.

                Walang takot at sobrang mapangahas ang nabanggit na psychic kuno.   May-I-name names talaga siya kahit gaano pa ka-nega ang mga hula niya.

                Kahit pumalpak na ang hula niyang mabubuntis ni Coco si Kris noong 2012 ay hindi pa rin siya gumigib-ap sa hula niyang ito.  Makulit pa rin sa di lang makulit ang bru.

                Ang nakakatawa ay humingi pa ito ng extension.  Aniya, ang ibig niya raw sabihin ay mabubuntis  ni Coco si Kris within 24 months.

                So, it means wait pa tayo until matapos ang 2013 at magkakatotoo ang kanyang hula.

                Natawa na lang si Kris sa sobrang kakulitan ng nasabing psyhick kuno nang mag-guest ulit ito sa “Kris TV” kamakailan.  Ipinagpipilitan pa rin nitong mabubuntis siya ni Coco kahit malabo naman talagang mangyari.

                Dahil nga sa palpak naman ang hula ng naturang psychic kuno, e, hindi dapat kabahan si Angel Locsin sa hula nitong hindi siya magkakaanak at never siyang mabubuntis.

                Ang isa pang nakakalokang hula ng Robert Daz na ito ay magkakaroon daw ng limang anak si Angelica Panganiban na iba-iba ang ama.

                O, di ba nakakaloka?  Mukhang matagal pa ang magiging hintayan kung magkakatoo nga ang hula nito kay Angelica o hindi.

                Una, wait muna tayong mabuntis si Angelica sa kanyang first baby.   Mas maganda sana kung mangyayari ito asap.

Kung mangyari yun this year o next year, e, wait naman natin ang pangalawang lalaking makakabuntis sa bru kung meron man. 

So, kailan naman kaya yun?  2014? 2015? 2020?

                Papano kung 50 years old na si Angelica pero wala pa rin yung second baby niya sa ibang lalaki na sinasabi ng manghuhula?

                Baka kapag dumating yung time na yun, e, nakalimutan na natin ang hula ni Mr. Daz kay Angelica na magkakaroon ito ng limang anak sa iba’t ibang lalaki.

                Ewan din kung buhay pa tayo pagdating nung time na yun, ha-ha-ha!

* * *

KASISIMULA pa lang ng taon ay binulaga agad tayo ng mga hulang buntisan.   Imagine, may humulang mabubuntis daw si Judy Ann Santos sa taong ito?

                Wow, what a hula.  Medyo funny lang, he-he-he.  Natural lang namang mabuntis si Juday this year dahil may asawa naman yung tao and besides, tama lang namang sundan na nila ng mister niyang si Ryan Agoncillo ang panganay nilang si Lucho, di ba?

                Pero ang mas nakakatawa sa hulang ito ay ang hulang mabubuntis si Sarah Geronimo this year.  Of all people ay si Sarah pa ang hinulaang mabubuntis, e, idol na idol niyan si Regine Velasquez na ilang tulog na lang ay menopause na bago nag-asawa at nagkaanak.

                I find it funny, kasi si Sarah hanggang ngayon ay wala pa ring matinong lovelife, e, ang mabuntis pa kaya?

                Kunsabagay, a hula is a hula.   Kaya nga tinawag na hula, e -- pwedeng magkatotoo, pwdeng hindi.

                Malay mo biglang kumerengkeng si Sarah, di yari kang bata ka, he-he-he!

                On second thought, hindi kaya ang Sarah na tinutukoy sa hula ay hindi si Sarah Geronimo kundi si Sarah Lahbati?

                Hindi ko kasi ma-gets ang pagiging matigas ng ulo ni Lahbati.  Bakit ura-uradang nagdesisyon ang bru na bumalik ng Switzerland at doon ipagpatuloy ang kanyang pag-aaral gayung alam naman niyang meron pa siyang kontrata sa GMA-7 na dapat tapusin?

                Hindi kaya meron pang mas malalim na dahilan kaysa sa pag-aaral kuno?

                Take note, karamihan ng artistang babaeng biglang nagdesisyon na umalis ng bansa ang katwiran ay doon sa ibang bansa ipagpapatuloy ang pag-aaral pero pagkalipas ng ilang buwan o taon pagbalik dito sa Pinas ay may karay-karay nang baby.

                Ay,  ang kyuttttttt!