Derek at Angelica hiwalay na

WHAT’S THE POINT?

Ni Pilar Mateo     

HINDI nga gaanong nausisa kay Derek Ramsay ang kanyang girlfriend na si Angelica Panganiban noong interbyuhin siya ng ilang press sa mga bago niyang proyektong gagawin sa TV5.

            Kami pa nga ang nagbanggit sa kanya na that night, may press conference naman ito para sa “Every Breath U Take” nila ni Piolo Pascual para sa Star Cinema.  ‘Di naman namin nahalatang ‘di pa ‘ata nagkakausap ang dalawa that day.

            Abala rin naman kasi si Derek sa ilang interviews niya on cam that day-‘yung isa para sa interview sa kanya ni Lourd de Veyra for “Wasak.” Na hinintay pa naming matapos kaya nasaksihan namin ang tilian ng mga girls na naghintay din kay Derek para magpa-picture dahil nagpakita ito ng abs niya du’n sa nasabing interview.

            Kung bakit naman, inisip ko lang na biro lang ‘yung sinabi ni Derek na “Ikumusta mo ako kay Angel!” nung paalis na kami du’n sa Annabel’s.  

Na siya namang sinabi ko kay Angel after ng presscon nila ni Piolo.  Na kumusta raw sabi ni Derek nung palabas na ito ng Dolcelatte.

Smile lang ang Angelica.  Sabi ko sa kanya nakita ko that afternoon ang Papa niya.

            Hindi ko na-gets agad, ha?  May something na palang nagaganap.

Dahil may lumabas na item na linking na Angelica to John Lloyd Cruz na nagsama sa Vietnam para magtrabaho.  Nilagyan ng kulay ang komento ni John Lloyd na they found so many things in common ng dalaga.

            Nang mag-taping ang dalawa sa Vietnam, that was the time naman pala na nasa Australia si Derek para um-attend sa birthday ng isang kaibigan kung saan din niya nakalaro ng golf si Zac Ephron.

            Kaya nang tanggapin na ni Derek ang kanyang Box-Office King title sa Guillermo Mendoza Memorial Foundation Awards at ‘yun na ang tanungin sa kanya ng press, nakiusap na lang ang aktor na kung pwede eh, bigyan naman siya ng moment na ma-enjoy ang kanyang panalo.

            Sa isang banda, naamin nito na meron nga silang pinagdadaanan ng kanyang nobya.  Pero, hindi naman daw siya maniniwalang ito ang klase ng babaeng maglalaro.

Kung saka-sakali naman daw na dumating ang pagkakataon at ang inaasahan ng marami ang mangyari, na magkalayo sila eh, hindi naman daw niya bibitawan ang pagiging magkaibigan nila nito.

            Nasa cool-off stage nga ang kanilang inalagaan at iningatang anim na taong relasyon.

            Let’s just wish na maging maayos ang pagsali ni Derek sa Frisbee competition niya in Boracay.  Dahil pagdating pa lang daw niya roon eh, hindi na tumigil ang mga text messages sa kanya at ang sinasabing break up nga nila ang inaalam.

            Kasi nga, sa presscon naman nina Angelica at Piolo, panay na kilikili ni Piolo ang namutawi sa labi ng dalaga.

            Nakakapanghinayang naman!  Na isa na naming couple ang naghiwalay.  At magiging dalawa pa kung affected nga uli sina Lloydie at Shaina Magdayao.

Kung nag-a-agree sina Derek at Angelica na sa ibang pagkakataon na mag-usap-makakatulong din sa isang banda sa mga kanya-kanya nilang hinaharap na trabaho sa ngayon.

            Hindi naman siguro itatapon ang six years sa walang kuwentang dahilan, na sinabi nga ni Derek na hindi third party!