RAMPA: Mario Maurer

Mario Maurer for Penshoppe Summer 2016

Mario Maurer at Penshoppe Fashion Show

มาริโอ้ Mario Maurer ( Summer Fashion - Unpack : The Battle )

Robin bugbog-sarado kay Willie!

Watching Machine

ni Gas Gayondato

Robin                     Willie

  Robin bugbog-sarado kay Willie!

MUKHANG  may panibagong salpukan sa pagitan ng Kapamilya at Kapuso Networks sa daily morning slot.  Bali-balitang inihahanda na ng ABS-CBN ang pinakabago nilang talk show na papalit sa iniwang time time slot ng Kris TV ni Kris Aquino. Ang nasabing talk show ay tatampukan diumano nina Jolina Magdangal, Karla Estrada at Melai Cantiveros. 

Tila nag-e-eksperimento na naman ang Kapamilya network dahil bago ang kumbinasyong ito na ihahain nila sa mga manonood. Ahaaa… their trio sounds unfamiliar.

Wala namang masama kung mag-eksperimento man sila sa paghahain ng bagong putahe sa televiewers.  Anong malay natin baka nga naman magklik. 

Pero hindi naman daw pakakabog ang GMA-7 sa ABS-CBN. Kung may Jolina, Karla at Melai ang Kapamilya, ang Kapuso ay meron naman daw Marian Rivera. Korek ka diyan.  Handang-handa na raw si Marian para bumida sa kanyang ‘Yan ang Morning.”

Aba, sounds interesting. Talo laban sa isa, isa laban sa tatlo. Sino ngayon ang mananalo?  Abangan!

* * *

KUNG may maghe-hello, meron din naming maggu-goodbye.  Opo, it’s time to say goodbye sa “Game ng Bayan,” ang game show  ni Robin Padilla kasama sina Alex Gonzaga, Eric Nicolas at Negi.  Anyare?

Kung hindi ako nagkakamali ay ilang linggo lang ito umere kapalit ng game show ni Luis Manzano na “Deal or No Deal.”  Taliwas ito sa sinasabi ng ilan na naka-one season naman daw ang “Game ng Bayan” kaya okey lang na mamaalam na ito sa ere dahil pang-one season lang naman daw talaga ito.

Teka muna, ang “Wowowin” ni Willie Revillame ay na-umpisang umere sa Siyete nang daily nitong Pebrero lang.  Hindi lang ako sigurado sa eksaktong petsa ng nabanggit na buwan. Sabihin na lang nating sa unang araw ng Pebrero.  

So, mula Pebrero 1 hanggang Abril 15 ay nakaka-10 linggo pa lang ito.  Ibig sabihin ay hindi pa nakaka-one season ang “Wowowin” dahil sa mundo ng telebisyon ang one season ng isang programa ay katumbas ng 13 linggo.

So, bakit nasabi nilang naka-one season na ang game show ni Robin gayung naka-3 linggo pa yata ang game show ni Luis na katapat ang kay Willie bago pa ito ("Game ng Bayan") umere.  Nagpapatunay lamang ito na hindi kinaya ng powers ni Luis ang powers ni Willie kaya tuluyan na itong namaalam sa ere.

Ang nakakalungkot lang sa show ni Robin, kumbaga sa boxing, round 6 pa lang ay tila bugbog-sarado na ito sa show ni Willie kaya kailangan nang itigil ang laban. 

Pero in fairness kung aabot pa hanggang ikatlong linggo ng Mayo ang game show ni Robin, kahit paano ay naka-one season nga ito. So, tingnan natin.

Hindi maikakaila kung gaano kalakas si Wiilie sa masang manonood.  Kami mismo ng mga kapatid ko sa bahay ay “Wowowin’ ang paboritong panoorin sa tuwing sasapit ang alas singko ng hapon.  

Pero ako, ang inaabangan ko talaga ay ang “English-Filipino, Filipino-English” segment nito kasi nakikisagot din ako sa mga tanong.  Feeling ko contestant din ako.

Kapag nasa labas naman ako ng bahay at naglalakad, bawat madaanan kong may bukas na telebisyon ay nakikita kong show ni Willie ang pinapanood ng mga tao.  

Isa lang ang ibig sabihin nito, mahal talaga si Willie ng masang Pilipino.

Ang tanong na lang ngayon ay kung sino at anong game show o format ng show ang ipantatapat ng Dos sa show ni Willie sa Siyete? Abangan!

'Hele' umani ng negatibong komento

Watching Machine
ni Gas Gayondato

UMANI ng mga negatibong komento ang obra ni Direk Lav Diaz na "Hele sa Hiwagang Hapis" na pinagbibidahan nina Piolo Pascual at John Lloyd Cruz.

Bagamat nagwagi ito ng Silver Bear Alfred Bauer Prize sa "66th Berlin International Film Festival" na ginanap sa Berlin, Germany noong nakaraang Pebrero 21, 2016,  hindi naman na-appreciate ng pangkaraniwang Pinoy moviegoers ang kabuuan nito na umabot nang walong oras.

Ang sabi ng ilang kritiko, hindi raw maiinip ang moviegoers sa panonood ng nasabing epiko kung handa kang tanggapin ang kakaibang karanasan sa panonood ng isang obra maestra. Kapag naumpisahan mo raw itong panoorin ay hindi mo na mamamalayan kung gaano na kahaba ang iyong pinapanood.

Kailanga daw nating ma-appreciate ang historical, philosophical at artistic significance ng "Hele" para raw mas maintindihan natin kung bakit hindi kailangang bawasan ang walong oras na haba ng pelikula.

Meron naman daw break para makapag-relax ang mga manonood sa kalagitnaan ng kanilang panonood.

Halos ganito rin ang sinasabi ng ilang nakapanood na ng "Hele sa Hiwagang Hapis." Pero hindi siguro mga ordinaryong manonood ang mga nagsasabi nito. Malamang ay artists o nagpapaka-artist lang ang mga ito.

Para sa mga karaniwang manonood ng pelikulang Pilipino ay hindi katanggap-tanggap ang manood ng isang pelikulang walong oras ang haba, lalung-lalo na sa panahon ngayon na fast-paced na ang galaw ng mga tao.

Sa totoo lang, marami ka nang magagawa sa loob nang walong oras. Sayang naman kung maisasakripisyo mo ang lahat ng yun dahil lamang sa panonood ng isang pelikula.

Yung iba siguro na gustong manood ay pinili na lang huwag manood dahil alam nilang hindi nila kayang tumagal nang walong oras sa loob ng sinehan sa ibat ibang kadahilanan. 

Meron nga ang sabi'y nainip daw sila sa haba ng pelikula. Meron naman daw nakatulugan na lang ang panonood ng pelikula.

Nasubukan ko nang manood ng tatlong pelikula sa isang upuan lang. Uso pa kasi noon ang ganun sa mga sinehan sa probinsya. Bale halos anim na oras tumatagal yun. Kaya pagkatapos kong manood ay ang sakit-sakit ng puwet at mga mata ko tapos tipong tulala pa ako.  Parang ayaw ko tuloy munang manood ng sine nang ilang linggo. 

Ganun ang naging epekto nun sa akin.  Anim na oras lang yun, e, nagkaganun na ako, ano pa kaya kung walong oras? 

Kaya ko namang manood ng pelikula o ng teleserye na tumatagal nang kahit 10 oras na dire-diretso ala-marathon pero sa bahay lang at saka alam kong wala na akong ibang gagawin.  

Sa bahay kasi puwede mong i-pause ang pelikula kung gusto mong sumaglit sa CR o sa tindahan para bumili ng paborito mong sitsirya. Puwede ka ring humiga, humilata o sumalampak sa upuan kung gusto mo nang wala kang iniisip na ibang tao. 

Hindi ko alam kung ano ang gustong palabasin ni Direk Lav Diaz at pinili niyang panatilihin ang "Hele" sa haba nitong walong oras. Gusto niya lang bang magpauso o gusto niya lang pagbigyan ang kanyang kapritso?

For sure, hindi niya ito ginawa para kumita. Papano namang kikita ang isang pelikulang walong oras ang haba, e, halos dalawang beses lang ang screening nito sa mga sinehan sa isang araw.

Sigurado rin ako na piling-pili lang ang manonood ng pelikula niyang ito dahil napakamahal ng tiket sa halagang 500 pesos. Palagay ko mas nababagay itong ipapanood sa mga estudyante, lalung-lalo na yung mga nag-aaral ng Philippine History.

Ang tanong, hindi ba talaga puwedeng gawing dalawa, tatlo o apat na oras na lang ang "Hele?" Dahil kung hindi talaga puwede, e, dapat ginawa na lang itong mini-series sa telebisyon na tatakbo nang dalawang linggo at hindi pelikulang pang-sinehan dahil ang pangunahing layunin kung bakit naimbento ang sine ay para may mapaglibangan tayo, hindi para matuto o magpaka-artistiko.

Eugene Domingo 'Binasted' ni Jose Manalo?!

Chizbitz
ni Ikabod Grin

Eugene Domingo 'binasted' ni Jose Manalo?!

HOW true is the chism na "binasted" ni Jose Manalo si Eugene Domingo?
Nangyari raw itetch a few weeks before namaalam sa ere ang game show na "Celebrity Bluff" kung saan magkasama ang dalawa.

Remember yung mga biru-biruang ligawan nila sa "Celebrity?" Sineryoso raw, as in tinotoo raw yun ni Uge. Na-inlovey raw talaga ang komedyana sa komedyano.

Ang siste, hindi naman daw talaga feel ni Jose si Uge dahil ang truliling love raw nitetch ay yung girlash na dinalaw nitetch sa US of A just recently.

Dahil dun ay sumama raw ang loob ng huli sa una hanggang sa umabot daw sa puntong di na nag-uusap ang dalawa. That's the reason daw kung bakit a few weeks bago namaalam sa ere ang "Celebrity Bluff" ay wiz na sa pagka-appear sa said show si Jose.

Ows, trulili?

* * *

Aktor lulong pa rin sa casino

HOW true is the chism na lulong pa rin daw sa casino hanggang ngayon ang isang not-so-young actor?

Halos doon na raw nakatira sa casino ang nabanggit na aktor dahil dehins na raw itetch umuuwi ng kanilang hawsing kaya madalas di na raw itetch naliligo at nagpapalit ng damit.

Eto pa ang chika, madalas daw kapag waley nang pang-casino ang pobreng aktoraytild
ay kung kani-kanino na lang daw itetch sumasama -- mapa-babae o mapa-bading gumugorabels ang guwaping pa naman sanang aktoraytild.

Clue: Meron sitetch kaapelyidong sikat na komedyante. Kapag pinagdugtong mo ang initials ng namesung nitetch at apelyido ay makakabuo ka ng isang bagay.

Gets niyo kung sinetch itetch?

* * *

Aktreselya di pa binabayaran ang 21 kiyaw na jutang

SINETCH ang aktreselya na itetch na hanggang ngayon ay may jutang pa rin sa isang school na pinasukan ng kanyang bunsong anak noong 2011?

Ayon sa sitsit, 21,000 peso-pesoses daw ang jutang ng said aktreselya. Tumalbog daw kasi ang tsekibong pineysung nitetch sa nasabing school ng anak noong ang sa Mandaluyong pa ang kanilang balaysung.

Naiintindihan naman daw ng may-ari ng school kung waley pang pang-paysung ang aktreselya sa jutang nitetch noong mga panahong yun.

Pero ngayong sikat na sikat na ang dyunakis nitetch at marami na silang datung, sana naman daw ay maalala nitetch na bayaran ang kanyang jutang sa school.

Clue: May kaapelyido ang aktreselya na kilala sa mundo ng showbiz at pulitika. Balik-sigla rin ang career ng nasabing aktrselya sa isang giant network.

Gets niyo na kung sinetch itetch?

Regine parang nanay na lang ni Mikael!

Watching Machine
ni Gas Gayondato

Regine parang nanay na lang ni Mikael!

MALINAW na sa akin na nag-iilusyon lang ang mga writers ng teleseryeng "Poor Señorita" na ang bida sa kanilang istorya ay mukhang in her early thirties at sexy o kung
hindi naman ay sakto lang ang katawan - di mapayat, di naman mataba.

Pero ang pisikal na katangian ng bida ng nabanggit na serye, na ginagampanan ni Regine Velasquez, ay malayo sa gusto nilang palabasin sa istorya.

Birun mo, nakuha pang tuksuhin ni Jaya (gumaganap na tita ni Mikael Daez) si Mikael na baka raw si Rita (Regine) ang kapalaran niya kaya pilit silang pinagtatagpo ng tadhana. 

Yung tandang yun ni Regine ay hindi man lang napansin ni Jaya ang malaking agwat sa edad nito at ng kanyang pamangkin?

Si Mikael naman hindi man lang nag-react na parang nanay o nakatatandang kapatid niya na lang si Rita para magustugan niya ito. Mas naging isyu pa sa kanya ang pagiging sosyalera kuno nito.

Mas nakakatawa sana kung pinaglaruan nila ang tunay na edad ni Regine at totoong korte ng katawan nito, hindi yung ganyang super dedma lang sila.

Lalabas ding mas nakakakilig pa ang mistulang love-hate relationship ng dalawa kung nagpakatotoo lang sila. 

Tanggapin na sana nila ang katotohanang puwede nang gumanap bilang mag-ina sina Regine at Mikael, hindi yung pilit nilang pinalalabas na magka-age lang ang dalawa.

Sa totoo lang 45 na si Regine going 46 this year samantalang si Mikael ay 28 lang, kaya puwede na talagang maging anak ng una ang huli. 

Kahit sa itsura pa lang ng dalawa obvious namang matanda na si Regine para gumanap kunwari na halos kasing age lang ito ni Mikael.

Pakiusap din sa direktor at mga writers ng "Poor Señorita," kung puwede sana pakidagdagan ang exposure ni Snooky Serna dahil super nakakaaliw talaga ang kanyang character as Tita Deborah, ang tita ni Rita na numero unong  kontrabida ng buhay niya.

* ,* *

            'Patayin' ng Star Cinema di original classic film

NAGTATAKA lang ako kung bakit dun sa campaign ad ng Star Cinema para sa digital restoration ng mga tinatawag nating classic Pinoy films ay kabilang ang pelikulang Patayin sa Sindak si Barbara (1995) na pinabidahan nina Lorna Tolentino, Tonton Gutierrez, Dawn Zulueta at Amy Austria, sa diteksyon ni Chito Roño.

Tila misleading ang claim na ito ng Star Cinema dahil hindi naman ang nabanggit na pelikula ang original version ng pelikulang tumatak sa kamalayan ng Pinoy moviegoers bilang isang klasikong Pinoy horror film.

Remake lang ang version na ito ng Patayin Mo sa Sindak si Barbara noong 1974 na pinagbidahan ni Ms Susan Roces, kung saan nakasama rin sina Dante Riveo, Rosanna Ortiz at Edna Diaz, sa dieksyon ni Celso Ad Castillo.

Kawawa naman ang mga kabataan ngayon kung ang mga impormasyong ipinararating natin sa kanila ay mali at taliwas sa katotohanan.

Napanood ko ang original Patayin. Mo... at ang remake nitong Patayin si... Take note of the difference between "Patayin Mo" which is the original version and "Patayin si," na remake. Iba pa rin talaga ang original, hindi ito kayang higitan o pantayan man lang ng isang remake.

Ang "Patayin." ni Celso Ad Castillo ang tunay na classic, hindi ang bersyon ni Chito Roño dahil remake lang ito. Kaya huwag sana nating lituhin ang tao. Let's give credit where credit is due.

* * *

                  Ismol Family pagugulungin ka sa katatawa

TAONG 2014 nang magsimulang umere sa Siyete ang "Ismol Family" na tinatampukan nina Carmi Martin, Carla Abellana, Ryan Agoncillo, Mikael Daez,Pekto, Miguel Tanfelix, Bianca Umali at Boobay.

Sa taon ding ito ay inilabas ko ang aking Top 20 TV Programs with "Gandang Gabi Vice" as my no. 1, "Kapuso Mo Jessica Soho" as my no. 2 and "Ismol Family" as my no. 3. It's already 2016 pero patuloy pa ring namamayagpag sa ere ang "Ismol Family."

Grabe ang tawa ko sa tuwing pinapanood ko ang sitcom na ito, halos gumulong ako sa katatawa. Ibang klase ang sense of humor ni Direk Dominic Zapanta, pati na rin ng mga writers nito.

Siyempre, isama mo na rin ang galing sa pagpapatawa ng buong cast, lalung-lalo na nina Ms Carmi Martin, Boobay, Pekto at Mikael Daez.

Sa tuwing may bagong character na pumapasok sa nasabing sitcom ay asahan mong riot na naman sa katatawanan ang hatid nito sa televiewers. 

Katulad na lang ng pagdating ni James Teng sa buhay ng character ni Bianca Umali, hindi lang katakut-takot na kilig ang idinulot nito sa madlang manonood kundi pati na rin sangkaterbang tawanan dahil sa matinding pagseselos ni Miguel Tanfelix.

Ang pinakahuling pumasok sa "Ismol Family" ay ang character ni Ritz Azul na grabe kung makatawa. Pati ikaw madadala sa tawa ng character ni Ritz. Super kakatawa talaga ang episode na ito.

Si Ara Mina sa buhay ni Kim Wong noon

Chizbitz
ni Ikabod Grin

Si Ara Mina sa buhay ni Kim Wong noon

HOW true is the chism na naging apple of the eye raw noon ng controversial casino junket operator na si Kim Wong ang seksing aktres na si Ara Mina?

Ayon pa sa sitsit na aming nasagap, madalas daw noong padalhan ni Kim Wong ng peking duck from Hong Kong si Ara.

Bukod sa peking duck ay pampered din daw ang aktreselya ng dakilang Intsikelya ng masasarap na food from his Chinese rest

o.

Hindi nga lang daw malinaw kung nagkaroon nga ng relasyon sina Ara at Kim Wong.

* * *

Ana Capri hinipuan sa puwet

DUMULOG sa NBI ang aktres na si Ana Capri para ireklamo ang lalakeng nambastos at nanampal sa kanya sa isang bar sa may Bonifacio Global City.

Tsika ni Ana, kasalukuyan daw siyang nagtsa-charge ng kanyang cellphone nang bigla na lang daw siyang hipuan sa puwet ng isang lalakeng di niya kilala. Mga 50 años na raw itetch at mgs 5'7" ang height.

Sa gulat daw ni Ana ay agad daw niyang tinabig ang kamay ng lalake pero na-shock na lang daw ang beauty niya dahil siya pa ang sinampal nitetch at pagkatapos ay dinuro-duro pa.

Dahil VIP raw sa Palace Pool Club ang naturang lalake, sa halip daw na hulihin itetch ng guard ay inilayo lang daw itetch sa kanya at iniskortan pa palabas ng bar hanggang sa makasakay ng kotse nitetch.

Sey pa ni Ana, porke daw ba VIP ang lalake ay puwede na nitetch molestiyahin ang mga girlash na tulad niya. Namesung na nga lang ng mhenchung ang hinihingi ni Ana ay hindi pa raw maibigay ng mga taga-bar, kaya papano raw niya itetch masasampahan ng kaukulang kaso kung di niya knows ang namesung nitetch.

* * *

Mga Artista namigay ng saku-sakong bigas sa Kidapawan

SALUDO kami sa mga artistang nagpadama ng malasakit sa mga kababayan natin sa North Cotabato na matinding naapektuhan ng tagtuyot na dulot ng tinatawag nating El Niño phenomenon.

Ang naging pagkilos na itetch ng ilang artista ay resulta na rin ng madugong karahasan na naganap sa Kidapawan, North Cotabato noong nakaraang linggo sa pagitan na ating mga kapulisan at mga magsasakang lumahok sa protest rally na ang tanging hiling ay mabigyan sila ng bigas.

Narito po ang ilang artistang nag-donate ng bigas para sa mga kapatid nating magsasaka na labis na naapektuhan ng tagtuyot:
Robin Padilla 10g0 sakong bigas, ang misis ni Robin na si Mariel Rodriguez Padilla 60
na sako ng bigas, Bianca Gonzales 20, Megan Young 10, Mikael Daez 10, Angel Locsin 100, Luis Manzano 100, Anne Curtis 200, at Jasmine Curtis 20 sakong bigas.


* * *

Sexy Actor binayaran ng 500 Kiyaw?

SINETCH ang guwapong sexy actor na itetch na binayaran kuno ng isang mataas na government official para mag-perform sa halagang 500 thousand peso-pesoses? Hindi nga lang malinaw kung aniklang performance itetch.

Pero whatever it is ay mukhang sobrang mahal naman yata ng asking price ng sexy actor. Iba pa po itetch dun sa hunk actor na binayaran naman ng 600 thousand peso-pesoses pero not worth it daw kasi bukod sa dyuts na ay marumi pa.

Ang sexy actor daw na itetch ay makinis, mabango at higit sa lahat ay malinis daw sa katawan.

Ang siste, on the night of his performance chorva ay super drink daw ng alak ang sexy actor hanggang sa malasing. Natural, dahil senglot na ang sexy actor, e, wiz na sa itetch sa pagka-perform. Sa madaling salita, nasayang lang ang 500 thou na ibinayad ni government official coz di na nga nakapag-perform si guwapong sexy actor.

Clue: May kapangalan itetch na bagets sa isang noontime show at may kaapelyidong girlash na dating member ng isang youth-oriented show noon sa GMA-7.

Gets niyo na kung sinex itetch?

Highest Grossing Pinoy Films of 2015

Second Chance -Star Cinema -P556 M

Beauty and the Bestie- Star Cinema-520 M

My Bebe Love - MZET-GMA-385 M

Crazy Beautiful You - Star Cinema P322,000,000

The Love Affair - Star Cinema P300,000,000

Heneral Luna - P254,483,145

Felix Manalo - Viva Films  P217,012,185

You're My Boss - Star Cinema P210,000,000

The Breakup Playlist - Star Cinema P160,000,000

Haunted Mansion - Regal Films P140,000,000

That Thing Called Tadhana - Star Cinema P120,000,000

Walang Forever -  MJM Productiond, Tuko Film Productions, 
                                Buchi Boy Films - 100,000,000


Just The Way You Are - Star Cinema P100,000,000

Everyday I Love You - Star cinema - P99,384,750

Etiquette for Mistresses - Star Cinema - P89,025,030